المساعد الشخصي الرقمي

مشاهدة النسخة كاملة : الجروح القديمه

دايــم الـشـوق
15-07-2003, 22:43
خل الجروح القديمه لاتجددها *** ياغايتي بين كل الناس ومرادي


هو ليه نارك بقلبي دوم توقدها *** مدام رايف بحالي يابن الاجوادي


صوايبك بالضلوع ازريت احددها *** من دم قلبي لكم مصدر وميرادي


واعيني اللي بعد فرقاك مسهدها *** صار الحزن في عيوني شيء معتادي


تقول عاشق بكلمات"ترددها *** ماشفت فعلك وقولك لي مافادي


قصة حياتي معك يازين بسردها *** وقت"مضى كنت فيه اصيح وانادي


امني النفس في لقياك واوعدها *** واقول باكر يجيني معه الامجادي


واليوم عنها سلينا لو نشاهدها *** وعن المطيه ترى نزلت انا شدادي


هي تحسبنا تعلمنا على يدها *** ماتدري اني مدير الحب واستادي


والفرحه اللي مضت بالقبر بالحدها ***واقول هذا مصير الشيء لازادي
ادارة المنتدى
16-07-2003, 03:15
مساء الخير / دايــم الشوق

دائماً مبدع ومتألق بقصائدك

المميزه صح السانك أخوي

وأتمنى لك مزيد من الابداع والتألق.

وتقبل تحياتي،،،

عـــود الليــــل
سفير الشوق
16-07-2003, 13:18
سلام مني للي ملهم بالقصيد افوادي
سلام علىابن الناس الطيبن الساس
واسال عظيم الشان جعل رب يسلمك من جميع الافات
وابلغ سلامي وتحياتي لك يادايم الشوق الوافي




اخوك
سفير الشوق
أبو متعب
16-07-2003, 15:29
والله مبدع يادايم الشوق

تسلم والله كلمات رائعة واحساس مرهف

تحياي

أبو متعب
هــديــل
17-07-2003, 21:01
مساء الورد دايمووو

كلمات تجنن تسلم ايدك


تحياتي

هدوله الاموره;a;1
دايــم الـشـوق
17-07-2003, 22:48
مساء النوار على قلبك اخوي وصح بدنك ولاهنت

ويعطيك العافيه يارب على مرورك الكريم الي اسعدني

وعساكم على القوه
دايــم الـشـوق
17-07-2003, 22:50
والله ماقصرت اخوي بس من جد احرجتني مره

موكل هالدرجه القصيده بس اسلوبك اخوي

هو الي اعجبني وريح بالي لاني كنت شايل هم القصيده

انها ماتعجبكم

ولاهنت وعساك على القوه دوم يارب
دايــم الـشـوق
17-07-2003, 22:52
صح بدنك ولاهنت ياخوي انت الي احساسك مرهف

وتجاوبك معي وردك هو الي شجعني على الكتابه

ومشكور اخوي على ردك الجميل
دايــم الـشـوق
17-07-2003, 22:53
مشكوره خيتووووووو على مروك الكريم

وعساكي على القوه يارب