الــــبـــــارح

[دايــم الـشـوق]

البارح النفس طول الليل فرحانـه

ومن الفرح نوم عيني ما طرا يمـه

لا تسئليني عيونـي ليـه سهرانـه

ليه اسهر الليل كله والفكـر يمـه

مااقدر اصارحك قلبي سرها صانه

اخاف واخشى عليها هرجة الرمه

وانا عليها اغاراكثر مـن اخوانـه

واكثر من امه وابوه وخاله وعمـه

عاهدتها والعهد ملعون مـن خانـه

وانا معه لازم اوفي وابري الذمـه

كلمتها واثرهـا بالحيـل زعلانـه

تقول بعدك يزيد القلب فـي همـه

وشلون منك الجفا تقـواه شيهانـه

من غيبتك ياحبيب الروح منسمـه

ارفق بقلبي كفاية لوعـة ازمانـه

انت الامل لا تزيده غم مـع غمـه

قلت آآآآه يابنت هرجك مال ميزانه

ما شفتي النفس فيك شلون مهتمـه

خليت غيرك لعينك تذرف اعيانـه

يبغى وصالي واذني عنه منصمـه

ادري بحبك واعرفك حيل غرقانـه

وانا بعد غارق ٍ في حبـك ويمـه

ولهان مغرم وطاح بحـب ولهانـه

ما باقي الا المواجه يالغضي تمـه

وقلبك بشوفي بينسى ماضي احزانه

واعالج جروح قلبك ساعة اضمـه

وش تنتظر من زمان ٍ زاد طغيانـه

على المواصل طلبتك شدي الهمـه

ابغى الخبر بالمواصل حطي اعلانه

من قبل جرحي بنزفه ينتثـر دمـه

وســـلامـــتـــكــــم

دايـــــم الــشـــوق

[ملك العشاق]

صح السانك اخوي دايم

ويعطيك الف عافيه على الكلمات هذي


نتظر كل ماهو جديد عندك اخوي دايم


تحياتي لك


ملك العشاق

[دايــم الـشـوق]

صح بدنك اخوي ولاهنت على مرورك الكريم

يمال العافيه يارب


تحياتي الك

دايــــم الــشـــوق

[سفير الشوق]

عسي عمرك يدايم الشوق يطول
وعسي يجي منك كثير هالاشواق واحسن التعبير
لوقلت صح لسانك ماوفيتك تقدير
ابوصفك يدايم بالسيل الكبير يسل وسيله كبــير

[دايــم الـشـوق]

هلاولغا فيك اخوي سفير الشوق ماقول الا يمال العافيه على

كلامك الجميل والرائع والكثير في حقي وصح بدنك ولاهنت

على مجاملتك الطيفه منك اخوي سفير


تحياتي الك

دايـــــم الـــشـــوق