اناااااااااااااااااااا( والحظ)ااااااااااااااا

[مغنج البنااااات]

احد مثلي نشب مابين قلبه والفكر غربال
ليا اشتد الخصام يجيك كلّن يلعن الثانى
ذبحني حظّي اللي ماقدر مره ينط الجال
تردّا لين سولف بي لسان فلان وفلاني
كذا يالحظ ماكنّا تعاهدنا وحنّا اطفال
نوفّي بعضنا واللّي يخوون العهد خوّاني
تخليني لحزن فاجر حزن كافر حزن قتال
حزن خلا شمووخ اقصاي يشحذ رحمة الدانى
وتعيرني بفقري والفقر ماعيّب الرجال
انا وش ذنبي ان جار الزمن والوقت عيّاني
معودني يصيرون اصدق الاصحاب لي عذال
وعلّمني اشوف اصدق وفا بوجيه عدواني
انا يالحظ ماخذت المراجل غترتن وعقال
وانا عون الخوي ومزبن الضيف والعانى
انا من صغر سنّي عشت يارحال يانزال
ابوي مربّي اخواني وانا اللّي الوقت ربّاني
فديت امى من بعدى جوها ثلاث عيال
لعن ابو حظن تكاثر فينى وخلانى اكبر اخوانى
__________________