ولـــد الديــره
22-01-2004, 06:14
هذا سلمكم الله واحد يحب له وحده حيل حيل حيل اسمها نوره هو بدوي ساكن بالبر.
ونوره هذي عايشه بقريه قريب منه.البدوي مره من المرارير راح يشتري مونه.
وهو في الديره اوالقريه الي رايح يشتري منها المونه شاف واحده تهول رعابيب القلب من جمال فيها وجسم شي شي
ما ينوصف.
1 ان نطحها الهوى خاطري منقوش وأن قفاه الهوى شايفه ما عاش
البدوي هذا انهبل يوم شافها ولا لومه اقولكم شي ما ينوصف
<<<< يقاله شايفها الحين هههههه
مالكم في طولة الحكي الرجال هذا اسمه حجاج وقام ابو الشباب سرداد مردادي على هالقريه
على طاري سرداد مردادي هاكم البيتين هذي:
1
2
3 يامل قلـبٍ بنـات البـدو تلنـه وانا على دربهن سرداد مـردادي
احب بنتٍ تسوق السقس والدنـه واليا غدا الذود جتك تصيح وتنادي
مطنوخةٍ تقنص الضبـان بالكنـه ياعل يفدا البنيـه كـل صيـادي
نرجع حق محورد حديثنا والمهم حجاج هذا بيع نص حلاله عشان يروح يشتري مونه لاهله (( عز الله انهم فلوها ))
طبعا تعرف عليها الرجال وصار بينهم حب وتديت ومقابلات وجلسات سمر اقولكم فالها الرجال من جد
وجاء يوم من الايام شخص اخونا في الله وتزكرت رايح لها
ابو الشباب يحسب فيها سوالف وناسه زي كل مره.
الا والله نوره واهلها قشعوا من الديره كلها مغار محلهم. قام يتنشد عنها يتنشد لكن للاسف دون جدوى
محد اعطاه علم وان راحوا ويضيق صدره الضعيف وقال هذي دبرة الله وماشاء فعل (ياغلي عنه غلاه)
ومره السنين وتسنه نساها <<< القلب ملعون ما ينسى من يوده
وفي هاك السنه جاه واحد من اخوياه توه مطلع ونيت جديد بتغبيرته
قاله اراحك نبا نتمشى على هالونيت
نبي نمرررنه توه جديد وبعد نبا نروح لديرة الفلانيه (ديرة نوير) ابالي رجال فيها لي عازة عنده
قاله حجاج مشانا والله انه ضايقن صدري بعد .
وراحو يتمشون في هالبران والاناسه مالهم مع الشيطان طاري والمهم وهم ينصون ديرة نوير حبيبة القلب
ويوم دخلوا الديره الا والله خويك انت ياحجاج ناصي حارة نوره الا يوم دخل الحاره
الا يوم قرب من بيت نوير وقلب حجاج قام يرقع تنسه سامري
الا يوم وقف قدام بيت نوره اثر الرجال الي هم يبونه جارٍ لتس يانوره ساكن بجنب بيتهم ( اكيد بجنبهم موب جارهم )
نزل خوي حجاج يطق الباب على خويه.
وحجاج جالس في السياره طايره بوهته في بيت نوره الطيبن
الا يوم قام يتنهد ويعاين في بيت نوره ودرجه وابراج الحمام وسراج معلق
(( اكيد بتقولون شلون شاف هالشغلات وهو واقف برى؟؟ مايبيلها ذكاء جدار البيت منهد )
المهم وهو وتذكر ايام التديت والاناسه والسوالف والضحك وهو يتهيض الماخوذ
ويقوم يشيل هالقصيده تفضلوا اقروها:
1
2
3
4
5
6
7
8
9
10
11
12
13 ليت الرويلي غزاء مـا داج في حي نوره واهـل نـوره
نقض علي الجروح وهـاج قلـب تذكـرغـلا نــوره
هيض شجوني درج وابراج بيـت تنحـت عنـه نـوره
ماكن في البيـت حـي داج من نسل نوره واهل نـوره
يابيتهاالطين يا بـو سـراج بالله عينـت لـي نــوره
جاوبني البيـت يـا حجـاج تنشد وانا انشدك عن نـوره
ادعج غنج من حرج واحراج حلفت منسـا غـلا نـوره
اتلا العهد يوم حضي مـاج يا طالب العلم عـن نـوره
قلت انت ثابـت وانـا دواج لكن اوصيـك فـي نـوره
ان كان مرتك قـل حجـاج جانـي يـدورك يـا نـوره
يقول ما للجـروح اعـلاج الاسوالفـك يــا نــوره
انتـي غنيـه وانامحـتـاج للوصل تكفيـن يـا نـوره
وانـا علـي فرخةالميـراج بواصل البحث عـن نـوره
=============
ترجمة الكلمات <<< ماقال معاني وش عنده
المونه: هي الزاد مثل التمر والطحين واشياء اخرى
واحده: يعني وحده بنوته نعومه
تهول رعابيب القلب: جمله تستخدم لتهويل الشئ يعني مدري وش لون اشرحها مشوها
سرداد مردادي: يعني رايح جاي
تلنه: يعني سحبنه شدنه الي تبون والنون نون النسوه
السقس: الشاحنه الكبيره التريلا مثل حقت الشعير
الدنه: الديانا << شدد الياء هي اللي اكبرمن الونيت واصغر من التريلا
الذود: هي الجمال التي يتعدى عددها اكثر من 20 بعرونات الى اربعين تقريبا
مطنوخة: يعني وحده ذربه شقرديه
الضبان: حيوان مهجن بين الظاطور (البريعصي ) والتمساح
بالكنه: هي عز الصيف الي ماينفع معها مكيفات
وتدييت: موعد غرام <<< يعرفونها اخوان بدوه
قشعوا: يعني رحلوا نقلوا
يتنشد: يسأل عنها
وان راحوا: وين راحوا
وتسنه نساها: كأنه نساها
في هاك السنه: يعني ذيك السنه <<< وكل ما مديت الالف هااااك يعني قبل اربعين سنه
قاله اراحك: يعني قوه مشينا نروح نهجول
نبا نتمشى: نبي نتمشى
ابالي رجال: ابي رجال
اله عازة: له حاجه << مدري وشهي الحاجه هذي توب سكرت
مشانا: مشينا
مبطي: من زمان
(( ما تلاحظون اني ترجمة القصه كلها ههههه ))
اتمنى انها اعجبتكم
وترونها من تاليفي ما ادري وش مناسبة هالقصيده
بس حبيت اهلس عليكم
تحياتي للجميع
ونوره هذي عايشه بقريه قريب منه.البدوي مره من المرارير راح يشتري مونه.
وهو في الديره اوالقريه الي رايح يشتري منها المونه شاف واحده تهول رعابيب القلب من جمال فيها وجسم شي شي
ما ينوصف.
1 ان نطحها الهوى خاطري منقوش وأن قفاه الهوى شايفه ما عاش
البدوي هذا انهبل يوم شافها ولا لومه اقولكم شي ما ينوصف
<<<< يقاله شايفها الحين هههههه
مالكم في طولة الحكي الرجال هذا اسمه حجاج وقام ابو الشباب سرداد مردادي على هالقريه
على طاري سرداد مردادي هاكم البيتين هذي:
1
2
3 يامل قلـبٍ بنـات البـدو تلنـه وانا على دربهن سرداد مـردادي
احب بنتٍ تسوق السقس والدنـه واليا غدا الذود جتك تصيح وتنادي
مطنوخةٍ تقنص الضبـان بالكنـه ياعل يفدا البنيـه كـل صيـادي
نرجع حق محورد حديثنا والمهم حجاج هذا بيع نص حلاله عشان يروح يشتري مونه لاهله (( عز الله انهم فلوها ))
طبعا تعرف عليها الرجال وصار بينهم حب وتديت ومقابلات وجلسات سمر اقولكم فالها الرجال من جد
وجاء يوم من الايام شخص اخونا في الله وتزكرت رايح لها
ابو الشباب يحسب فيها سوالف وناسه زي كل مره.
الا والله نوره واهلها قشعوا من الديره كلها مغار محلهم. قام يتنشد عنها يتنشد لكن للاسف دون جدوى
محد اعطاه علم وان راحوا ويضيق صدره الضعيف وقال هذي دبرة الله وماشاء فعل (ياغلي عنه غلاه)
ومره السنين وتسنه نساها <<< القلب ملعون ما ينسى من يوده
وفي هاك السنه جاه واحد من اخوياه توه مطلع ونيت جديد بتغبيرته
قاله اراحك نبا نتمشى على هالونيت
نبي نمرررنه توه جديد وبعد نبا نروح لديرة الفلانيه (ديرة نوير) ابالي رجال فيها لي عازة عنده
قاله حجاج مشانا والله انه ضايقن صدري بعد .
وراحو يتمشون في هالبران والاناسه مالهم مع الشيطان طاري والمهم وهم ينصون ديرة نوير حبيبة القلب
ويوم دخلوا الديره الا والله خويك انت ياحجاج ناصي حارة نوره الا يوم دخل الحاره
الا يوم قرب من بيت نوير وقلب حجاج قام يرقع تنسه سامري
الا يوم وقف قدام بيت نوره اثر الرجال الي هم يبونه جارٍ لتس يانوره ساكن بجنب بيتهم ( اكيد بجنبهم موب جارهم )
نزل خوي حجاج يطق الباب على خويه.
وحجاج جالس في السياره طايره بوهته في بيت نوره الطيبن
الا يوم قام يتنهد ويعاين في بيت نوره ودرجه وابراج الحمام وسراج معلق
(( اكيد بتقولون شلون شاف هالشغلات وهو واقف برى؟؟ مايبيلها ذكاء جدار البيت منهد )
المهم وهو وتذكر ايام التديت والاناسه والسوالف والضحك وهو يتهيض الماخوذ
ويقوم يشيل هالقصيده تفضلوا اقروها:
1
2
3
4
5
6
7
8
9
10
11
12
13 ليت الرويلي غزاء مـا داج في حي نوره واهـل نـوره
نقض علي الجروح وهـاج قلـب تذكـرغـلا نــوره
هيض شجوني درج وابراج بيـت تنحـت عنـه نـوره
ماكن في البيـت حـي داج من نسل نوره واهل نـوره
يابيتهاالطين يا بـو سـراج بالله عينـت لـي نــوره
جاوبني البيـت يـا حجـاج تنشد وانا انشدك عن نـوره
ادعج غنج من حرج واحراج حلفت منسـا غـلا نـوره
اتلا العهد يوم حضي مـاج يا طالب العلم عـن نـوره
قلت انت ثابـت وانـا دواج لكن اوصيـك فـي نـوره
ان كان مرتك قـل حجـاج جانـي يـدورك يـا نـوره
يقول ما للجـروح اعـلاج الاسوالفـك يــا نــوره
انتـي غنيـه وانامحـتـاج للوصل تكفيـن يـا نـوره
وانـا علـي فرخةالميـراج بواصل البحث عـن نـوره
=============
ترجمة الكلمات <<< ماقال معاني وش عنده
المونه: هي الزاد مثل التمر والطحين واشياء اخرى
واحده: يعني وحده بنوته نعومه
تهول رعابيب القلب: جمله تستخدم لتهويل الشئ يعني مدري وش لون اشرحها مشوها
سرداد مردادي: يعني رايح جاي
تلنه: يعني سحبنه شدنه الي تبون والنون نون النسوه
السقس: الشاحنه الكبيره التريلا مثل حقت الشعير
الدنه: الديانا << شدد الياء هي اللي اكبرمن الونيت واصغر من التريلا
الذود: هي الجمال التي يتعدى عددها اكثر من 20 بعرونات الى اربعين تقريبا
مطنوخة: يعني وحده ذربه شقرديه
الضبان: حيوان مهجن بين الظاطور (البريعصي ) والتمساح
بالكنه: هي عز الصيف الي ماينفع معها مكيفات
وتدييت: موعد غرام <<< يعرفونها اخوان بدوه
قشعوا: يعني رحلوا نقلوا
يتنشد: يسأل عنها
وان راحوا: وين راحوا
وتسنه نساها: كأنه نساها
في هاك السنه: يعني ذيك السنه <<< وكل ما مديت الالف هااااك يعني قبل اربعين سنه
قاله اراحك: يعني قوه مشينا نروح نهجول
نبا نتمشى: نبي نتمشى
ابالي رجال: ابي رجال
اله عازة: له حاجه << مدري وشهي الحاجه هذي توب سكرت
مشانا: مشينا
مبطي: من زمان
(( ما تلاحظون اني ترجمة القصه كلها ههههه ))
اتمنى انها اعجبتكم
وترونها من تاليفي ما ادري وش مناسبة هالقصيده
بس حبيت اهلس عليكم
تحياتي للجميع