اللي يبينا عيت النفس تبغيه

[من بادي الوقت]

قصيدة قراتها واعجبتني واحببت انكم تطلعون عليها انا ترى ما اعرف من هو قائلها


قالت انتَ فلان حلفتك تقول
قلت أنا أول تقولين اشتبين ؟
قالت آنا اللى سألتك والاصول
إنك اتجاوب بس ابكلمتين
الرقم مضبوط لا تصول وتجول
يمكن الصوت متغير حبتين
قلت أنا طبع ٍ لى يا بنيه ملول
سكري الهاتف رجا لو تسمحين
قالت اشدعوه وراك إنت عجول
قلت أنا يا بنيه مانى اللي تبين
قالت انتَ ليش خايف أنا مانيب غول
عطني اسمك بس، ليش انتَ لعين
قلت التعارف يا بنيه بالقبول
ما يصير ارفض وانتي تغصبين
شوفي واحد لون عينه امعسول
في مثل عمرك على ما تشتهين
آنا متزوج ولا عندي بطول
والعمر يا بنيّه فوق الاربعين
وما أبى ادخل في قصة قال وقول
هالأمر عندى أنا عيب ومشين
قالت ادري يا كبيرين العقول
لا بغيتوا الشي يصبح كله زين
هالتمنع أرجو إنه لا يطول
هم ترى حنا لنا عقلٍ فطين
قلت أنا نجمي توجه للافول
وأنتي بدرٍ في السما اتنورين
انتي عمرك اعتقد عشرين حول
اركدي يا بنتي لا تستعجلين
كلٍ يحصل مقاديره وينول
انطري ولزم ٍ يجيلك خاطبين
قالت من كلامك شعرت بخمول
يا نحس طبعك عنيد وما تلين
يعني تحسبني اصدق يا خجول
إنك انتَ كامل اخلاقٍ ودين
انتَ من صوتك عرفت إنك كسول
شايبٍ عايب على عكازتين
القراده عرفتني بمهبول
يرفس النعمه ولا ترمش له عين
سكرت الخط حمقانه زُعول
ما عجبها الرد مع فرق السنين
كنت اظن اللى حصل صعب الحصول
ليما شفته يالربع حق ويقين
يا الله يا ربي عسى دايم تحول
بين عبدك والمساوي يا معين
;a;1

[دايــم الـشـوق]

<b><center><div style=" width:100%;filter:shadow(color=ffffff,strength=20) ;<br /> color: "><font color="A27BAA" size="5" face="Monotype Koufi"C986EB>

صح لسانك اخوي من بادي الوقت

وسان شاعرها بس حبيبي

انا اول مره اقراء هذي الابيات

ولا ابي قول انها لفلان ويصير غلط علي

واسبب مشكله

بس انت جد ابدعتنا بما نقلته اخوي

وياهلا ومرحبا فيك


[/QUOTE]

[عاشق نجد]

الغــــــــــــــالي
(¯`·._) من بادي الوقت (¯`·._)
الله يعطيك العافيه
اخترت واجدت
يالغالي
الله لايحرمنا منك
ومن روعه اختياراتك
مع اطيب الامنيات
اخووووووك
(¯`·._) عاشق نجد (¯`·._)