المساعد الشخصي الرقمي

مشاهدة النسخة كاملة : موضوع لنقاش وأحتاج لرأيكم لإفادتي

سود العيون
02-01-2004, 07:37
السلام عليكم ورحمة الله وبركاته...

تحية عطره بعطر المسك ولاحترام والتقدير لاعضاء ومشرفين واداريين منتدى عود الليل...

عندي موضوع وحبيت اشاركم فيه وسبق لي وان طرحته في منتدى مشاركه فيه..بس؟؟ اتمنى منكم التفاعل مع لموضوع والقى مايشبع رأيي بهذا الموضوع ولاستفاده منكم...

عندي موضوع وسؤال يقرقع بصدري من خلال عيشتي في هذي الدنيا ولي شفته من ناس واايد سواء اعرفهم شخصياً او معرفة نت بس اكتشفت هشي وظليت اسأل نفسي هسؤال ومالقيت له اجابة محدده...

من المعروف ان الشخص الطيب يكون محبوب لطيبة قلبه وهذي صفة حلوه انها تكون في الانسان بس المقوله تقول ان الطيب دوم مأكول حقه ليش؟؟ الحين الطيب يساعد ويشارك من حوله الحلو والمر ويتأثر بمشاكلهم وكلشي يعور قلبه على هذول الاشخاص وبالأخير حقه ينأكل؟؟

وبنفس الوقت اذا كان الانسان قاسي يصير منبوذ ليش الان يقولون ما بقلبه رحمة ومايحس واايد قاسي ولكل يتحاشاه لقسوته.. عيل شلون يتصر الشخص مايكون كلش طيب فيأكلون حقه ويستغلون طيبته في صالحهم ويقصون عليخ بحياته ويسونه اهو والطوفه الهبيطه الي لكل يمر منها واحد ويسونه مصخره لطيبته زايده.. واذا كان قاسي راح يصير منبوذ ومحد يحبه والشخص مايقدر يعيش بوسط الكل يكره...

حلوه الطيبه بعتدال مو زياده عن لزوم على شان محد يستغلها في صالحه وهذا الشخص الطيب المسكين يروح فيها بشربة ماي ليش الناس ما ترحم ؟ ليش الناس ما تعامل الانسان مثل ما يعاملها؟ ليش تاخذ نقاط ضعف الانسان وتحاول تستغلها بلا رحمه والطيب يحاولون يستغلونه بكل فرصه تسمح لهم بهشي..

ليش صارت الدنيا تمشي بالمقلوب نزرع طماط يطلع كوسه نسوي الخير ونلقى الشر نساعد ونعين ونعاون ونلقى الي مايسر لا شكر ولاشي نحب ونوفي ونخلص وبعدين الخيانه اهي اول باب نشوفه جدامنا وكلام ومجاملات بلاحدود فشلون نتصرف مع هذي الدنيا؟؟

واسفه على الاطاله ومنكم استفيد..


وأنتظر رأيكم..

تحياتي..:rolleyes:
بيســ الحب ــان
02-01-2004, 16:51
اختي

والله سبقتيني في الموضوع كنت ناويه اكتب موضوع نفسه تعرفي شحقه

لاني انا اشوف نفسي جذيه طيبه بقوه لدرجه انهم يقولو لي انتي مقصه

بسرعه ينقص عليج :(

والسبب طيبتي الزايده


يعطيج العافيه اختي وانا بشوف ردود الاعضاء لاني انا مثلج ماعندي رد.
@سافي@
03-01-2004, 04:48
هههههههههههههههههه

حلوه

نزرع طماطم ويطلع كوسه

سود العيون

الانسان عبارة عن مجموعة احاسيس ومصالح

احاسيسه تتقلب حسب مصالحه

مصالحه توجه احاسيسه بأتجاه تواجدها

ابيض القلب تهظم حقوقه ويستغل وتسلب جميع حقوقه

اسود القلب منبوذ مكروه لكنه يتلون حسب مصلحته

اذاً ماهو الحل
هل نكون قسات ام طيبين

كل شخص مسؤل عن تصرفاته وما سلبك منك لن يعاد اليك
وماسلبته من حقوق الاخرين لن تجد من يطالبك بها

لكن الشخص الذكي هو الذي يقدم طيبته ويتعامل مع الاخرين بطيبته الفطريه

ويضع للاخرين حدود لايتجاوزونها معه

اسراري هي ملكي انا فقط

حياتي الخاصه هي ملكي انا فقط

نفسي هي ملكي انا فقط

لكن بشرط ان لا أقدم الشك بالاخرين

وان لااعيش ببرج عاجي معزول عن الاخرين بداعي الخوف منهم

الانسان بطبيعته اجتماعي يحب الناس ويحب ان يكون له رفقه يجدهم في فرحه ويشاطرونه زعله وضيقته

اذاً

اتعامل مع الناس بطبيعتي وطيبتي بشرط ان لااتنازل لهم عن شئ من حقوقي وان لا اسلمهم شئ من اسراري او ما قد يكون مصدر لإزعاجي

وهذا كله راجع لطريقة تفكير كل شخص ، فالشخص الذي يندفع بأتجاه الاخرين سيحصد نتيجة هذا الاندفاع ندم

ام الشخص المتزن فهو الشخص الذي يستطيع ان يميز الغث من السمين والصادق من الكاذب

اخيراً

اسف على الاطاله

تحياتي
بيســ الحب ــان
03-01-2004, 16:09
اسفه على المداخله

بس اخوي الطيبه مو شرط بالاسرار في اشياء تكون طيب فيه لاكن تطلع النتيجه

عكس ماتتصور

اكيد كل شخص اسراره ملكه لاكن لما يستغلو طيبتك في اشياء شينه تجبرك ان

تكون قاسي وان كنت قاسي قالو عنك كلام مو كويس


الاهم شنو الحل الطيبه ولا تكون عكسه

اكرر اسفي على المداخله لانه موضوع يهمني واكيد لي عوده


تحياتي
@سافي@
04-01-2004, 07:20
بيسان الحب

الطيبة هي الاصل

وهي الطبع الذي لايمكن ان يتخلص منه صاحبه

اما قسوة القلب فهي تطبع وتقمص قابل للزوال

الانسان يعامل الاخرين بطيبته لكن بشرط ان لايملكهم اي شي قد يكون وسيلة ضغط عليه فيما لو سأت الامور

خاصة في علاقات الشات والماسنجر

لانه اي شخص قد ينتحل شخصية غير شخصيته ويضهر الطيبه ليصطاد من يكون قلبه طيب ويسلم بسهوله ويخدعه الكلام المعسول

تحياتي
*موجة هادئة*
04-01-2004, 08:53
سلام يسلموو سود العيون على الموضوع

اختي انا مثلك ومثل بيسان طيبة زياده عن اللزوم ودايم يلموني على طيبتي
ويمكن يستغلوني بعد
وكنت اتعب حيل حيل من ذا الموضوع وقررت اني اسوي كنترول على نفسي واقسوا عليها شوي باني ما اكون طيبة واخذ حقي بنفسي وبنفس الاسلوب
لكن ما قدرت اسوي ذا الشي اختلطت علي مشاعري وصلت لدرجة الاحباط
ولكن في النهاية وصلت لحل ارضاني
باني اعامل الناس بالطيب وحسن الظن وان عاملوني بالعكس فانا الي في النهاية الي بكسب
وهم حسابهم عند الله الذي لايظلم فقد حرم الظلم على نفسه فكفى به وكيلا
لكن في نفس الوقت مايمنعني اني اخذ حقي منهم بس باسلوبي انا مو اسلوبهم
{عامل الناس كم تحب ان يعملوك}
والاجر على الله
واذا فيه حل ثاني انا انتظر منكم وآسفه على الاطاله
بيســ الحب ــان
06-01-2004, 00:08
اخوي سافي

شنو الي يخلي الشخص قاسي القلب

الطيبه صفه حلوه بس معناها عند الكثير باالغباء


الاخت موجه

المشكله ان الاشخاص الي تتعاملي وياهم باالطيبه استغلوج استغلال

شنو الحل في نظركم

لي عوده
*موجة هادئة*
06-01-2004, 07:22
والله بيسان مدري شقولك اختي بس الي اقدر اقولك اني اخذت موقف من الي استغلاني وحدد علاقتي فيهم بس بدون جرح للمشاعر يكفي جروح