الكونـكورد
18-11-2003, 10:30
كان ياما كان في قديم الزمان وسالف العصر والآوان
اقوووووووووول قبل مابدا اقطعو الاتصاال
يقولكم قصه قبل النوم
يلا كل واحد يروح يتروش ويجي يمي اقصله قصه قبل ما يطس ينام
كان في مكان ما من هالدنيا >>>> مايمديكم على مكان ما
المهم كان فيه غابة صغنطوطة وحلوة بس على صغرها ماتنحقر... فيها من الحيوانات مالذ وطاب........ قصدي المفترس والأليف
وكان في وسطها بحيرة تلمّ شمل هالحيوانات ... اللي يبي يشرب يشرب ,, واللي يبي يلعب يلعب ,, واللي يبي يتروش يتروش >>>>> .. يسبح وتخب عليك
المهم .. كان فيه بطة تحب تمّر على البحيرة وتلعب فيها بس المشكلة ان البحيرة مليانة تماسيح وكانت خايفة منهم ...
لأن التماسيح ماعندهم وقت ..اذا شافوا بطة قدامهم كلوها بريشها ومنقارها مافيه تفاهم
البطة المسكينة كانت تحب البحيرة بس هالتماسيح البثرين دايم فيها
صارت تحاول تجي في الأوقات اللي يصيرون فيها التماسيح متسدحين على ضفافها >>> لاتفوتكم ضفافها تراني بالحسرة طلعتها
ومرة من المرات كانت تهوجس .......وياشينها اذا هوجست ياهي تروح للمريخ
ماانتبهت الا على صوت واحد من هالتماسيح البثرين يقول لها : يابطة وش فيك سرحانة وساكتة وش رايك تطبين معي عشان نسولف ونلعب ....هييييييييييه يابطة.........يابطوطة ...أنتي يامغرورة وش فيك ماتردين .....عطيني وجه
قالت له : ماودك تضف وجهك تكفى ....أنا مااطب في البحيرة الا اذا طلعتوا منها
قال لها : الشرهه على اللي يعزمك ويعطيك وجه .. أجل انطقّي ....عمرك إن شاء الله ماطبيتي....
وراح يكمل سباحته وخلاّها
المسكينه صارت اذا جت تطب تسألهم : هاه ......بتطبون ولا لأ؟؟؟.......عاد النذل فيهم يطب وهو ماوده يطب بس عشان يقهرها ....وبعضهم يتميلح عندها ويقول طبي معنا وش تخافين منه خلينا نلعب مع بعض...
بس مرة لاحظت تمساح يختلف عن الباقين..كان اذا شافها تبي تطب يطلع بسرعة لأنه عارف انها مستحيل تطب وفيه تمساح في البحيرة ...واحيانا كان يهاوش باقي التماسيح عشان يطلعون ويخلونها تاخذ راحتها ...
حست البطة ان هالتمساح غير....فيه فرق بينه وبين الباقين ...قالت : معقولة يكون فيه تمساح بهالاخلاق ...ليه لأ؟؟؟؟ ... حتى البط فيه المؤدب وفيه قليل الحياء...اكيد التماسيح مثلنا وش الفرق يعني؟؟؟.........كلنا حيوانات
جت مرة للبحيرة وما كان فيها احد من التماسيح قالت: هذي فرصتي عشان اطب ...وفعلا طبت...شوي الا وراس التمساح يطلع من البحيرة ..خافت وجت تطلع ..قال لها : لا...اقعدي انا طالع لأني من زمان في البحيرة والحين جاء دورك..
>>>>صار هذا هو التمساح المؤدب
قالت له : (( على بالها ذوق هي ووجهها )): لا لا كمّل سباحتك لاتطلع ...مادام انه مافيه غيرك ...مانيب خايفة ...انا واثقة فيك
صاروا يسولفون وياخذون ويعطون مع بعض في الكلام ... اكتشفت انه تمساح محترم ماعنده نوايا شريرة مثل باقي التماسيح
صارت اذا جت للبحيرة وما لقته مع باقي التماسيح يضيق صدرها وترجع ..
مع الايام توثقت علاقتها فيه .. صارت تحس انها تعلقت فيه بزيادة .. خافت انها تكون تحبه ..بس وين ياعمتي عسى ماشر ... تحبين تمساح
شوي شوي البطة ماعاد تشوف غيره في بالها ... وكل ما تذكرت انه تمساح...ضاق صدرها شوي وخافت ... بعدين ترجع وتقول : لو فيه شر كان من زمان ماكلني ...وش يحتري؟؟ ..ولاّ مابعد حس بالجوع؟؟
مرة اجتمعت مع صديقاتها البطات وكانوا يسولفون عن الحب والخطوبة والزواج وكل وحدة تقول مواصفات خطيبها ..اللي تقول انه شياكة واللي منصب واللي جنتل واللي واللي واللي...
الموهم جاء دورها وهي ماهيب يم السالفة ,, قالوا : هييييييييييه يابطة ..وين سرحتي... اللي ماخذ عقلك يتهنى به .. هاه علمينا منهو حبيب القلب ...قالت وهي مابعد صحصحت من هواجيسها : تمساح ..قالوا : الله يحوم كبدك ضاقت مالقيتي تحبين الا التماسيح اكيد انتي تمزحين..؟؟
قالت : هاه ... ايه العب عليكم وراكم مخفّات... بسرعة تصدقون؟؟
يوم من الايام ... قررت تصارحه ... ودها تعرف سبب احترامه لها وحرصه عليها ...مع انه معطي باقي التمساحات ركبة وهم من بنات جنسه...
قالت له : سحسوحة >>>>مايمديكم على الدلع بس ..بدت تمون هي ووجهها
قال لها : عنونه .. قالت : أمحق عنون ... من زين عنونك بس ..عين في الشرق وعين في الغرب ,, قال : وش اسوي ربي خالقني كذا ... من زينك عاد انتي ومنقارك ... لاتخليني احكي بس ..
كانوا دايما يتطنزون ببعض وهذا اللي خلاها ترتاح له اكثر ....
المهم ... قالت له : سحسوحة ..قال : عنونه ,, قالت : ودي اسالك سؤال محيرني من زمان بس مستحية فيك واخاف تزعل مني؟؟
قال : ازعل منك!!؟؟ ازعل من الدنيا كلها ولا ازعل منك >>>> صاجها بهالجملة شكله ماعنده غيرها توه حافظها وفرحان بها
قالت: ليش تعاملني هالمعاملة؟؟>>الله من زين السؤال بعد!!؟؟
قال : افا .. عسى ماشر... وش شفتي من معاملتي شيء شين عشان تقولين كذا ؟؟؟
>>>>>الحين وش بيفهمه هالكمخة وراه يفهمني بالمقلوب؟؟
قالت: لا.. مااقصد انك معامني معاملة شينه...انا قصدي ليش تعاملني هالمعاملة الذوق ؟؟>>> كنها عرفت تحكي
قال : هاه .. مدري...عادي ..كل الحيوانات اعاملهم كذا...>>>>>الحيوانات ؟؟؟؟ كنها سبّه ...ولاّ صح نسيت انها قصة البطة والتمساح
قالت: متاكد انك تعاملهم مثل ماتعاملني ؟؟ قال : وش تشوفين انتي ؟؟ قالت : انا اشوف شيء ثاني بس ماله داعي اقول لك وش اشوف اخاف اعلمك ويصير مب هو نفس اللي في بالك وتقعد تضحك علي..ويطيح وجهي عندك ... عاد وش يلقطه؟؟؟
قال : لا .... لازم تعلميني ... لاتخافين مانيب ضاحك عليك
قالت: لا .......خلاص انسى الموضوع ...حتى انا ابنساه ...لأني شكلي بصراحة شطحت بافكاري وهواجيسي بعيد ونسيت اني بطة وانك تمساح
قال: لا...توكفين قولي لي .... عشان اعلمك انا زيك ولاّ لأ؟؟
قالت: ليه ماتبدا انت ...علمني وش انا بالنسبة لك؟؟
قال: هاه .. انتي بطة >>>> بالله ...وش الجديد يعني
قالت له: بلا تميلح توكفى >>>>> ياهي بعد حومت كبده بهالجملة ..قبلها تفشله بها
قال: بصراحة من يوم تطلعين من البحيرة وانا افكر فيك ؟؟
قالت له: تفكر فيني؟؟؟ وشلون تفكر فيني ... تفكر فيني كوجبة شهية ولاّ صديقة وفية؟؟
قال: لا.... افكر فيك كصديقة وفية بس الحين احس انك اكثر من كذا
قالت : يعني؟؟؟>>>> يابثرها بعد الا لازم يصرح لها ماييزيها التلميح
قال: مدري ؟؟>>>>البلشة انه هو ابثر منها ...كمخة مايعرف يعبّر
قالت له: عموما تاكد اني ابادلك نفس الشعور...وبصراحة بديت اخاف من مشاعري
قال: ليش؟؟ بالعكس مادام انه شعور متبادل وش المشكلة؟؟
قالت: يمكن مافيه مشكلة بالنسبة لك بس مشكلة بالنسبة لي انا
قال: وشلون؟؟؟
قالت : بصراحة ياسحسح (( هذا الدلع الثاني )) ..انا مافيني ملح..اذا حبيت حبيت >>>>بالله ..وش ناوية اجل؟؟ اذا حبيتي تكرهين
قال: طيب وش المشكلة؟؟
قالت: المشكلة في النهاية ؟؟ وشلون ننهي علاقتنا؟؟
قال: وليش ننهيها...ليه ماتستمر؟؟
قالت: بلا تميلح تكفى ...وشلون تستمر ..مافيه شيء يستمر في هالدنيا
قال: انا قصدي تنتهي نهاية سعيدة ؟؟ قالت: وش قصدك؟؟
قال: نتزوج...قالت: اقول لايكثر بس ...قال: والله العظيم وش فيها؟؟ انتي واثقة فيني وانا واثق فيك وين المشكلة؟؟
قالت: انت صاحي؟؟.... عمرك شفت بطة تتزوج تمساح؟؟
قالت: لاتفكر .. انسى الموضوع وشل هالفكرة من راسك ...واسمع اقتراحي
قال: سمي..قالت: انا قررت نفترق الحين ..قال: افا... الحين الحين...ليه وش اللي صار؟؟
قالت: النتيجة وحدة الحين والا بعدين...كل الطرق تؤدي الى روما >>>اخسي بطة ومثقفة بعد
قال: انتي صاحية... وش تخربطين ...اكيد احد غاسل مخك؟؟؟
قالت: مافيه احد غاسل مخي ... بس بصراحة اذا تذكرت انك انت بكرة اللي بتخليني وتودعني اقول لنفسي ليش يابطة ماتجي المبادرة منك انتي عشان مايطيح وجهك وترجعين على الاقل ومعك شوي كرامة؟؟
قال : وش كرامته,,, وش هالخرابيط ....ياربييييه وش اسوي بهالخبلة ....بطة ... توكفين ارجعي بلا افكار سخيفة....والله اني مااجي للبحيرة الا عشانك ...واذا مالقيك ضاق صدري وطلعت ...بطة الله يخليك ارجعي ... بطة والله اني احبك. .. بطة... بطة...
هو يناديها وهي تطلع من البحيرة وتنشف ريشها...مشت وهي تسمعه يناديها >>>عاد ياويلكم اذا تخيلتوها وهي تمشي ترى رومانسية المشهد في القصة تخرب
صارت البطة تمشي وهي تسمعه ودمعتها على منقارها بدون مايشوفها التمساح
قالت له وهي تمشي: انساني خلاص ...انساني
وقبل ماتختفي التفتت عليه وقالت له: احبك...واختفت
وش رايكم في النهاية سعيدة ولا حزينة ولا كمخة ؟؟؟
بس بالله وش رايكم في موقف البطة صح ولاّ غلط؟؟؟
عاااد خلاص اقلبو وجيهكم
اقوووووووووول قبل مابدا اقطعو الاتصاال
يقولكم قصه قبل النوم
يلا كل واحد يروح يتروش ويجي يمي اقصله قصه قبل ما يطس ينام
كان في مكان ما من هالدنيا >>>> مايمديكم على مكان ما
المهم كان فيه غابة صغنطوطة وحلوة بس على صغرها ماتنحقر... فيها من الحيوانات مالذ وطاب........ قصدي المفترس والأليف
وكان في وسطها بحيرة تلمّ شمل هالحيوانات ... اللي يبي يشرب يشرب ,, واللي يبي يلعب يلعب ,, واللي يبي يتروش يتروش >>>>> .. يسبح وتخب عليك
المهم .. كان فيه بطة تحب تمّر على البحيرة وتلعب فيها بس المشكلة ان البحيرة مليانة تماسيح وكانت خايفة منهم ...
لأن التماسيح ماعندهم وقت ..اذا شافوا بطة قدامهم كلوها بريشها ومنقارها مافيه تفاهم
البطة المسكينة كانت تحب البحيرة بس هالتماسيح البثرين دايم فيها
صارت تحاول تجي في الأوقات اللي يصيرون فيها التماسيح متسدحين على ضفافها >>> لاتفوتكم ضفافها تراني بالحسرة طلعتها
ومرة من المرات كانت تهوجس .......وياشينها اذا هوجست ياهي تروح للمريخ
ماانتبهت الا على صوت واحد من هالتماسيح البثرين يقول لها : يابطة وش فيك سرحانة وساكتة وش رايك تطبين معي عشان نسولف ونلعب ....هييييييييييه يابطة.........يابطوطة ...أنتي يامغرورة وش فيك ماتردين .....عطيني وجه
قالت له : ماودك تضف وجهك تكفى ....أنا مااطب في البحيرة الا اذا طلعتوا منها
قال لها : الشرهه على اللي يعزمك ويعطيك وجه .. أجل انطقّي ....عمرك إن شاء الله ماطبيتي....
وراح يكمل سباحته وخلاّها
المسكينه صارت اذا جت تطب تسألهم : هاه ......بتطبون ولا لأ؟؟؟.......عاد النذل فيهم يطب وهو ماوده يطب بس عشان يقهرها ....وبعضهم يتميلح عندها ويقول طبي معنا وش تخافين منه خلينا نلعب مع بعض...
بس مرة لاحظت تمساح يختلف عن الباقين..كان اذا شافها تبي تطب يطلع بسرعة لأنه عارف انها مستحيل تطب وفيه تمساح في البحيرة ...واحيانا كان يهاوش باقي التماسيح عشان يطلعون ويخلونها تاخذ راحتها ...
حست البطة ان هالتمساح غير....فيه فرق بينه وبين الباقين ...قالت : معقولة يكون فيه تمساح بهالاخلاق ...ليه لأ؟؟؟؟ ... حتى البط فيه المؤدب وفيه قليل الحياء...اكيد التماسيح مثلنا وش الفرق يعني؟؟؟.........كلنا حيوانات
جت مرة للبحيرة وما كان فيها احد من التماسيح قالت: هذي فرصتي عشان اطب ...وفعلا طبت...شوي الا وراس التمساح يطلع من البحيرة ..خافت وجت تطلع ..قال لها : لا...اقعدي انا طالع لأني من زمان في البحيرة والحين جاء دورك..
>>>>صار هذا هو التمساح المؤدب
قالت له : (( على بالها ذوق هي ووجهها )): لا لا كمّل سباحتك لاتطلع ...مادام انه مافيه غيرك ...مانيب خايفة ...انا واثقة فيك
صاروا يسولفون وياخذون ويعطون مع بعض في الكلام ... اكتشفت انه تمساح محترم ماعنده نوايا شريرة مثل باقي التماسيح
صارت اذا جت للبحيرة وما لقته مع باقي التماسيح يضيق صدرها وترجع ..
مع الايام توثقت علاقتها فيه .. صارت تحس انها تعلقت فيه بزيادة .. خافت انها تكون تحبه ..بس وين ياعمتي عسى ماشر ... تحبين تمساح
شوي شوي البطة ماعاد تشوف غيره في بالها ... وكل ما تذكرت انه تمساح...ضاق صدرها شوي وخافت ... بعدين ترجع وتقول : لو فيه شر كان من زمان ماكلني ...وش يحتري؟؟ ..ولاّ مابعد حس بالجوع؟؟
مرة اجتمعت مع صديقاتها البطات وكانوا يسولفون عن الحب والخطوبة والزواج وكل وحدة تقول مواصفات خطيبها ..اللي تقول انه شياكة واللي منصب واللي جنتل واللي واللي واللي...
الموهم جاء دورها وهي ماهيب يم السالفة ,, قالوا : هييييييييييه يابطة ..وين سرحتي... اللي ماخذ عقلك يتهنى به .. هاه علمينا منهو حبيب القلب ...قالت وهي مابعد صحصحت من هواجيسها : تمساح ..قالوا : الله يحوم كبدك ضاقت مالقيتي تحبين الا التماسيح اكيد انتي تمزحين..؟؟
قالت : هاه ... ايه العب عليكم وراكم مخفّات... بسرعة تصدقون؟؟
يوم من الايام ... قررت تصارحه ... ودها تعرف سبب احترامه لها وحرصه عليها ...مع انه معطي باقي التمساحات ركبة وهم من بنات جنسه...
قالت له : سحسوحة >>>>مايمديكم على الدلع بس ..بدت تمون هي ووجهها
قال لها : عنونه .. قالت : أمحق عنون ... من زين عنونك بس ..عين في الشرق وعين في الغرب ,, قال : وش اسوي ربي خالقني كذا ... من زينك عاد انتي ومنقارك ... لاتخليني احكي بس ..
كانوا دايما يتطنزون ببعض وهذا اللي خلاها ترتاح له اكثر ....
المهم ... قالت له : سحسوحة ..قال : عنونه ,, قالت : ودي اسالك سؤال محيرني من زمان بس مستحية فيك واخاف تزعل مني؟؟
قال : ازعل منك!!؟؟ ازعل من الدنيا كلها ولا ازعل منك >>>> صاجها بهالجملة شكله ماعنده غيرها توه حافظها وفرحان بها
قالت: ليش تعاملني هالمعاملة؟؟>>الله من زين السؤال بعد!!؟؟
قال : افا .. عسى ماشر... وش شفتي من معاملتي شيء شين عشان تقولين كذا ؟؟؟
>>>>>الحين وش بيفهمه هالكمخة وراه يفهمني بالمقلوب؟؟
قالت: لا.. مااقصد انك معامني معاملة شينه...انا قصدي ليش تعاملني هالمعاملة الذوق ؟؟>>> كنها عرفت تحكي
قال : هاه .. مدري...عادي ..كل الحيوانات اعاملهم كذا...>>>>>الحيوانات ؟؟؟؟ كنها سبّه ...ولاّ صح نسيت انها قصة البطة والتمساح
قالت: متاكد انك تعاملهم مثل ماتعاملني ؟؟ قال : وش تشوفين انتي ؟؟ قالت : انا اشوف شيء ثاني بس ماله داعي اقول لك وش اشوف اخاف اعلمك ويصير مب هو نفس اللي في بالك وتقعد تضحك علي..ويطيح وجهي عندك ... عاد وش يلقطه؟؟؟
قال : لا .... لازم تعلميني ... لاتخافين مانيب ضاحك عليك
قالت: لا .......خلاص انسى الموضوع ...حتى انا ابنساه ...لأني شكلي بصراحة شطحت بافكاري وهواجيسي بعيد ونسيت اني بطة وانك تمساح
قال: لا...توكفين قولي لي .... عشان اعلمك انا زيك ولاّ لأ؟؟
قالت: ليه ماتبدا انت ...علمني وش انا بالنسبة لك؟؟
قال: هاه .. انتي بطة >>>> بالله ...وش الجديد يعني
قالت له: بلا تميلح توكفى >>>>> ياهي بعد حومت كبده بهالجملة ..قبلها تفشله بها
قال: بصراحة من يوم تطلعين من البحيرة وانا افكر فيك ؟؟
قالت له: تفكر فيني؟؟؟ وشلون تفكر فيني ... تفكر فيني كوجبة شهية ولاّ صديقة وفية؟؟
قال: لا.... افكر فيك كصديقة وفية بس الحين احس انك اكثر من كذا
قالت : يعني؟؟؟>>>> يابثرها بعد الا لازم يصرح لها ماييزيها التلميح
قال: مدري ؟؟>>>>البلشة انه هو ابثر منها ...كمخة مايعرف يعبّر
قالت له: عموما تاكد اني ابادلك نفس الشعور...وبصراحة بديت اخاف من مشاعري
قال: ليش؟؟ بالعكس مادام انه شعور متبادل وش المشكلة؟؟
قالت: يمكن مافيه مشكلة بالنسبة لك بس مشكلة بالنسبة لي انا
قال: وشلون؟؟؟
قالت : بصراحة ياسحسح (( هذا الدلع الثاني )) ..انا مافيني ملح..اذا حبيت حبيت >>>>بالله ..وش ناوية اجل؟؟ اذا حبيتي تكرهين
قال: طيب وش المشكلة؟؟
قالت: المشكلة في النهاية ؟؟ وشلون ننهي علاقتنا؟؟
قال: وليش ننهيها...ليه ماتستمر؟؟
قالت: بلا تميلح تكفى ...وشلون تستمر ..مافيه شيء يستمر في هالدنيا
قال: انا قصدي تنتهي نهاية سعيدة ؟؟ قالت: وش قصدك؟؟
قال: نتزوج...قالت: اقول لايكثر بس ...قال: والله العظيم وش فيها؟؟ انتي واثقة فيني وانا واثق فيك وين المشكلة؟؟
قالت: انت صاحي؟؟.... عمرك شفت بطة تتزوج تمساح؟؟
قالت: لاتفكر .. انسى الموضوع وشل هالفكرة من راسك ...واسمع اقتراحي
قال: سمي..قالت: انا قررت نفترق الحين ..قال: افا... الحين الحين...ليه وش اللي صار؟؟
قالت: النتيجة وحدة الحين والا بعدين...كل الطرق تؤدي الى روما >>>اخسي بطة ومثقفة بعد
قال: انتي صاحية... وش تخربطين ...اكيد احد غاسل مخك؟؟؟
قالت: مافيه احد غاسل مخي ... بس بصراحة اذا تذكرت انك انت بكرة اللي بتخليني وتودعني اقول لنفسي ليش يابطة ماتجي المبادرة منك انتي عشان مايطيح وجهك وترجعين على الاقل ومعك شوي كرامة؟؟
قال : وش كرامته,,, وش هالخرابيط ....ياربييييه وش اسوي بهالخبلة ....بطة ... توكفين ارجعي بلا افكار سخيفة....والله اني مااجي للبحيرة الا عشانك ...واذا مالقيك ضاق صدري وطلعت ...بطة الله يخليك ارجعي ... بطة والله اني احبك. .. بطة... بطة...
هو يناديها وهي تطلع من البحيرة وتنشف ريشها...مشت وهي تسمعه يناديها >>>عاد ياويلكم اذا تخيلتوها وهي تمشي ترى رومانسية المشهد في القصة تخرب
صارت البطة تمشي وهي تسمعه ودمعتها على منقارها بدون مايشوفها التمساح
قالت له وهي تمشي: انساني خلاص ...انساني
وقبل ماتختفي التفتت عليه وقالت له: احبك...واختفت
وش رايكم في النهاية سعيدة ولا حزينة ولا كمخة ؟؟؟
بس بالله وش رايكم في موقف البطة صح ولاّ غلط؟؟؟
عاااد خلاص اقلبو وجيهكم