لعبه حلووووه وايييييييييد ادخل وورط اللي بعدك بسؤال محرج بدون زعل [الأرشيف]

هــديــل

04-05-2003, 02:47

مساء الورد

ودي تشاركوني باللعبه هذي انا الحين اطرح سؤال اللي بعدي وكل واحد يسئل اللي بعده

بسسسسسس لزم سؤال محررررررررج:D

اللي بعدي سؤالي لو خيروك تاكل ثوم والا حلبه سو تاكل ؟:p

تحياتي

أختكم هدووله الاموره;)

هــديــل

08-05-2003, 04:25

الوووووووو وينكم :(

فــــــالكون

08-05-2003, 05:56

هلا فيكى اختى 0000000

يعطيك العافيه على هل العبه الجميله والمحرجه هههههههههه

اوكيه احسن اكل ثوم لنه صحى وجميلللل وع هههه

اوكيه الى بعدى ماذا تريد ان تكون مواصفاات شريكت حيااتك هاااااا صاحبه الموضوع تطلب عدم الزعل 000
تحيااااااااتى 0000000
الباااااااااااااشق

جارةالقمر:أمواج

09-05-2003, 07:34

خووووووش لعبه

تسلمييين هدووول واايد حلوووه مثلج

:confused:

الباشق

انا اللي بعدك وانا بنووته فبقوول مواصفات شريك حياتي

:rolleyes:

ابيه حنوون وكريم ويخاف ربه فيني وشكله عادي طووله معتدل وبعد وزنه معتدل وجاان زين يصير مثل ابوي او اخوي نسخه طبق الاصل منهم بطباعهم الله يخليهم لي
:p

ان شالله جاوبت علي سؤالك صح

:)

كم مره سقطت بمراحلك الدراسيه ...؟؟؟

:) ;) :p

سبايدر

09-05-2003, 07:40

تسلمين هديل على هذه اللعبة

امـــــــــــــ(السحليه)ـــــــــــــواج:D

هذا سؤال يتسال:(

لا وانا الي جاي بعدك

<==== حظه اقشر:D

سقطت مرة وحدة واخذتها علقة :p

سؤال الي بعدي

ليش اشتركت في هذا المنتدى؟؟؟؟؟؟؟؟؟؟

تحياتي اكم

اخوكم الصـــــــــــــ(سبايدر)ــــــــقــــــر

أغنيـة الرحيـل

09-05-2003, 11:36

لعبة حلوة هدوله

سؤال خفيف سبايدر اشوا اني جيت بعدك

اشتركت في هالمنتدى بدعوة من اخي ابو عبدالعزيز

وبو عبدالعزيز غني عن التعريف يستحق كل خير واتمنى اقدر اعطي ولو جزء بسيط لهذا المنتدى

واعرف كثير من الموجودين فيه

سؤالي للي بعدي

قلنا بدون زعل واحراج

كم في محفضتك بالضبط؟؟ اقصد الفلوس

غنوجة

أبو سعود

09-05-2003, 19:04

اشكرك اختي هدوله على هذي العبه

ليس في محفضتي شي لاني لااضع الفلوس فيها

كم مرة ضربك والدك

تحياتي ابوسعود

ادارة المنتدى

09-05-2003, 21:22

هههههههههاي احررررراج

<< كثر ما انضرب صار آلالة حاسبه والله كثير:(

س / هل تحب أكل الضب؟

وتقبل تحياتي

ابو عبدالعزيز

هــديــل

09-05-2003, 22:12

وعععععععع بو عبدالعزيز لوعت جبدي
ما اكله ولا ابي اعرررفه حرام عليك شو انا:confused:

كم عدد ضروسك المتنثره يابعدي ؟:D

تحياتي

هدوله الاموره

أبو سعود

10-05-2003, 05:11

هلا هدوله

الحمد لله كلها سليمة

هل تحب اكل الجرابيع

تحياتي ابو سعود

][ الحــلـوة ][

10-05-2003, 12:49

:D

والله شكلي طحت بجربوووووع

بعدين وشهالجربوع :confused:

اللي بعدي إسمك الحقيقي ومسمى الوظيفة

:D

يارب يررررررد اللي في باااااااااااااالي

غصب عنكم

حلــــــــوة

:D

أبو متعب

10-05-2003, 14:15

والله ورطة بجد ورطة
مو لشيء لكن عشان الواحد يقدر يأخذ راحته في الردود

اسمي الحقيقي : أبو متعب
مسمى الوظيفة : والله أنك أحرجتيني :rolleyes:

مسمى الوظيفة : مأقدر اقولها بالضبط لأنه بسهولة أنعرف
ياربي شو هالورطة :mad:

عموما مسمى وظيفتي لايوجد في المملكة أكثر من 15 شخص بنفس المسمى
وهو تخصص علمي دقيق في مؤسسة علمية معروفة في المملكة ...

وبجد والله ورطة والله مأنتي هينة يالحلوة ............

بسأل اللي بعدي .. شو اسم أمك :D وشو أسمك الأول
بس يجاوب بصراحة :D
بورطكم زي ماورطتني الحلوة

أخوكم : ابو متعب

ادارة المنتدى

10-05-2003, 17:22

:confused: ابو متعب لزم تقول وظيفتك اللعبه لزم الواحد يجاوب

والله الاحرررراج

طيب بقول اسم امي لولوه الله يخليها ويطول بعمرها:rolleyes:

اسمي الاول خالد وبالبنقالي كالد:D

ولاعاد تتعودها ابومتعب:confused:
<< وش عقبه عقب ماعرفو اسم امك:mad:

س/ وين ساكن فيه وشارعك وش اسمه؟

وتقبل تحياتي ،،،

أبو عبدالعزيز

أبو متعب

10-05-2003, 17:39

ههههههههههههههههههههههههههه

اليوم أنا حظي مدري وش فيه طايح بين الحلوة وأبو عبدالعزيز :D

ابو عبدالعزيز مسمى الوظيفة مافيه شيء لاكن بصراحة هو نادر ومن المسمى بسهولة
تتعرف على الشخص لأنه كما قلت لك معدودين ... عشان كذا صعبة بصراحة
لأنه معروف إذا كان الشخص معروف الأسم يكون هناك تحفض في المشاركات لكن
إذا كان اسم رمزي فيكون عنده مجال للحرية قليلاً .....

أما بالنسبة لسؤال فهو ...
انا ساكن بالأسكان حق العمل واسم الشارع الرسمي شارع 2 والأسم المتداول بين السكان
شارع القطط ( البساس ) لأنه يوجد اكبر تجمع للقطط في الشرق الأوسط .:D

سؤالي للي بعدي بس لازم يجاوب

وبصراحة طبعا
إذا كنت عزوبي متى أخر مرة حصل لك تسمم ؟؟:D
وإذا كنت متزوج كم مرة نمت برا الغرفة :D

أخوكم : ابو متعب

سبايدر

10-05-2003, 18:59

الحمدلله اني عزوبي

والحمدلله ماقد تسممت والحمدلله

سؤالي

كم مرة تكهربت بالكهرب

تحياتي

هــديــل

11-05-2003, 01:36

سبايدر:D

اكثيرررر بالمرره عيووني خاصة وانا صغيره اموره

كم مره تعورت من السلم وتفشلت قدام الناس:D يابعدي؟

تحياتي

اختكم هدوله الاموره

أبو متعب

11-05-2003, 02:01

هلا أختي هدولة

الحمد لله سؤالك مو محرج بالمرة مو زي اللي قبل

كم مرة طحت من السلم قدام الناس

مرتين وكلهم في الجامعة قدام اللله وخلقة ..........

سؤالي ...

أيش أقوى موقف مر عليك محرج طبعاً يعني مو طريف

أخوكم : ابو متعب

هــديــل

11-05-2003, 02:24

والله الموقف ضيق خاطري هو ان اهلي معزومين وانا لبسه وكل شي وقت ما نزلت من غرفتي حصلتهم راحو واتركوني وحدي:(

وش راح يكون موقفك لو كنت معزوم ورحت على العزيمه ولا حصلت احد يا بعدي ؟:D

تحياتي

اختكم هدوله الاموره

الرهيب

12-05-2003, 04:25

بصرااااحه أختي هدوووله يمدحوووون أقرب مطعم وجبات خفيفه يعني مثل عطنا 2 شاروما :D
سوال اللي بعدي :rolleyes:
كم مررررررة أكلت ضفدع جووواب بصرااااحه
سوووال محرج صح يالله جوواب :D

تركي

13-05-2003, 05:28

هههههههههه لعبه حلوه بصراحه انا تكهربت مره وحده في حياتي وعينك ماتشوف الا النور بغيت اروح فيها:(
وصار الكهرب اكبر عقده لي
:confused:
اللي بعدوه ..وبصراحه ..كم مره حبيت حب مراهقه ؟؟

أبو متعب

13-05-2003, 14:11

هههههههههههههههههههههههه

الأخ تركي : ورطتني ههههههههههه
بالنسبة لحب المراهقة كثير ههههههههههه
انا حبيت كل البنات بلا استثناء حتى بنات بوركينا فاسو

هههههههههههههههه

السؤال اللي بعدي معليش جرء شوي

إذا كان ولد : لك صدقة تكلمها بالتلفون
وإذا كانت بنت : لك صديق تكلمينه بالتلفون

احس سؤال ماله داعي :D

أخوكم : ابو متعب

هــديــل

14-05-2003, 02:04

ابو متعب حرام عليك لزم الفضايح

------ هي جابتها لنفسها

عادي اكلم وشفيها بس اعطيه نغمه ويدق مو فاضيه اخسرني فواتير:D

وش موقفك لو تحب وحده وصارت اطول منك ؟

واذ كنتي بنت وش موقفك اذ حبيتي واحد وصار اقصر منك؟

تحياتي

هدوله الاموره

هـــتـــونـــه

15-05-2003, 12:22

مدري

ماراح اسوي شي برضي يعني

اذا حبيتة عاد مافية كلام بعدها

على قولتهم
حب الحبيب يغطي الغذاريب

هتووو

اذا مشيت وقابلت وحدة صغيرة وقالت لك انت قبيح وش تسوي؟؟

تركي

15-05-2003, 22:28

ههههههههه هتونه عادي برد عليها بكل برود واقول شوكرن ..وبالبنقالي شوكريا..هي ..سديق
السوال اللي بعدو..
بصراحه يوم كنت صغير في العمر وفي بداياتك الدراسه ..كم مره ضربك ابوك علشان تروح المدرسه غصب؟.
:D ..
وع الجزمه على قولت المصريين ههههه
تركي

سبايدر

16-05-2003, 02:36

هههههههه

اما عاد انطق من ابوي وانا رايح المدرسة

هذه كثر منها
<<<دايم ينطق:D

السؤال الي بعدي

لو انك ماشي في الشارع وتمر جنب بنات وشوي كلهم يضحكون وياشرون عليك يعني يضحكون عليك

وش راح تسوي
:D :D :D
:D :D
:D

تحياتي

فــــــالكون

16-05-2003, 04:07

هلا فيكم جميعا 000

احب ان اشكر صاحبه هذة العبه

اهاااااااااا سوال طريف جدأ تصدق سبايدر شو راح اسوى راح اعتزل الاسواق :D

اوكيه الى بعدى
هل فى يوم من الايام صادك ابوك وانت تدخن هذا اذا كنت ولد
واذا بنت هل تفكرى فى التدخين

الباااشق

ادارة المنتدى

16-05-2003, 04:53

هههههههههههاي الله يرجك الباشق

المشكله ما ادخن بس اعسل:D

<< لا ابد مدلعه ابوه بس بالخزيرانه:p

طيب انت ياللي بعدي لو جتك وحده وقالت عطني الرقم وش راح يكون ردت فعلك؟

واذ كنتي بنت وش بتسوين في التمساح؟

وتقبلوا تحياتي،،،

أبو عبدالعزيز

تركي

16-05-2003, 05:23

هههههههههه ابوعبدالعزيز حلوة هاذي ..بنادي الهيئه وبقول شوفوا البنت هاذي تتحرش فيني ..( مهوب من قلبه )ههههه
اللي بعدو:
لو جاك واحد معرفته بك بسيطه جدا وقاللك ابغى سلف وامبلغ كبير شوي وش بترد ؟ او تردين ؟

جارةالقمر:أمواج

17-05-2003, 04:27

:confused:

يؤيؤيؤيؤيؤ

اخوي تركي

والله موقف محرج وااايد

بس ما راح اعرف ارده

راح اعطيه اللي يبي خاصه ان كنت اقدر عالمبلغ
ما اعرف ارد اللي يطلبني شوي صعبه

سؤالي للي بعدي..

سؤالي لج ...

لو قالج زوجك انه جاه ضيف ويبيك تطبخيين العشا لهم بيوووم عرسك لانه مايبي يرده ومستحي منه شنو تسوييين..؟؟

ولك انت ...

لو جاك ظيوووف بليلة عرسك شنو رااح يكوون موقفك ..؟؟؟؟

:) ;) :p

أمـــــــــــــــــــــــــــــواااج

تركي

18-05-2003, 05:33

امواج هذي سهله جدا ...اقولهم انتم معزومين الليله على زواجي:D ...
طيب السوال الجاي:
لو رحت لعزيمه كبيره فيها ناس واجد ..بس كنت ماكل شي غلط قبلها..وجاك ماغص شديد في بطنك ..وكل دقيقه تروح الحمام ..وش تسوي ؟ او تسوين ؟ هههههههههه
تركي

][ الحــلـوة ][

19-05-2003, 01:28

:D :D :D

هههههههههههههههههههههاي

ألبـــــس بــــامبـــــرز يا تركي

اللي بعدي :

إنت دبى ولا نحيف

أسمر ولا أبيض

طويل ولا قصير

حلو ولا وحش

وبس

:D

الرهيب

24-05-2003, 01:58

ههههههههههههههههههههههههههههههههاي
أختي الحلوة
الصراحه
ما ني دبي
والحمد الله أبيض البشرة
والطول الحمد الله طويل

بس حلو هاذي مشكله الصراحه تمساح

سؤ ال اللي بعد ما هي ردت فعلك لو جاك طرااااااااااااك على وجهك

تحياتي لكم
أخـــــــ الرهيب ـــــــــوكم

هــديــل

24-05-2003, 21:43

:( حرام عليك الرهيب طبعا بزعل

بس باخذ الكعب واعطيه على راسه اللي يضربني:confused:

وش ردت فعلك لو قالو لك الاكل اللي اكلته فيه سم بعد ما أكلته :D

تحياتي

هدوله الاموره

الرهيب

24-05-2003, 23:29

لا تعليق
والله سوال محرج أختي هدووله من جد

:D :D :D :D

طيب الفسحه كم تأخذينها وهل المصروف يومين أو على طول الشهر ؟؟؟؟

تحياتي لك
أخــــــــ الرهيب ــــــــــــوك

تركي

28-05-2003, 21:26

ههههههههه الرهيب السؤال جاء من حظي انا ...المصروف شهري..وكل شي محسوب هههههههه
طيب ياللي بعدوه
وش انت لابس الان وبصراحه ( وبالتفصيل ) ههههههههه
تركي

أبو سعود

29-05-2003, 05:00

السلام عليكم

انا لابس ثوب النوم

الي بعدي

ماهواالعقاب القاسي الذي وجهه لك والدك

تحياتي
ابو سعود

هـــتـــونـــه

29-05-2003, 13:16

حرماني من الروحة للملاهي

اهي اهي ايام الصغر

سؤال

هل انت متزوج او متزوجة

الرهيب

30-05-2003, 01:04

لا والله لست متزوج

السوال اللي بعدو

لو كنت تمشي بالشارع وجاك وااااااااااااحد وطيحك وش راااااااح تسوي ؟ أو أيش رااح تسوين
تحياتي لكم
أخــــــــ الرهيب ــــــــــوك

أبو سعود

30-05-2003, 04:06

اذا كان من غير قصد ا اسامحه

واذا كان قاصد اتفاهم معه

طيب سوالي هو لك او لكي

اذا كنتم في السوق وجاكم مغص شديد ولا يوجد حمام او الحمام خربان اغزكم الله
وشلون تتصرفون تحياتي ابو سعود

متعب

03-06-2003, 21:12

تحياتي ابو سعود سؤال كله ريحه خايسه بس سهل بالنسبه لي وغيري الله اعلم

طال عمرك اعارض السوق واقرب قطعه ارض فاضيه فرغ الحموله وارجع كحل .......:D

دحين هايا جاوب علي السوال ؟

انا راح استغل الموقف هنا واسال سؤال يفيدني بعدين

اذا تعرف اسم هديل او هتونه تقول لي ؟

تركي

03-06-2003, 22:02

ماكنشي يتعز ياTrouble Maker..لكن تبغا توقعاتي :
هتونه= رقيه:D
هديل= حصيصه:D
طيب السوال التالي:
وش نوع سيارتك ؟

هــديــل

04-06-2003, 01:37

حرام عليك وش حصيصه يا تركي مو حلو :mad:

سيارتي لكزس ولونها وردي بس قديمه اشوي يجنن بس قول مشاء الله

اللي بعدي اذ كنتي تسوقين او تسوق وش افضل سيارة عندج

تحياتي

هدوله الاموره;a;1

الرهيب

04-06-2003, 02:41

ههههههههههههههههههههههههااااااااي
بصراحه أختي هديل اسم حصيصه لاااائق عليك بصراحه

أفضل سيارة هواند أكوورد موديل 2003

سوال اللي بعدي لو جتك فاتورة الجوال أكثر من 40.000 أيش رااح تسوي في اللحظه هاذي
تحياتي لك
أخــــ الرهيب ـــــوكم

تركي

04-06-2003, 02:59

هههههههههههههههههه بعيد الشر انشاء الله
بصراحه اباخذلي مكان عند باب مسجد :(
واقول : قدر الله علي وجتني فاتورة جوال ب 40000 ريال..:confused:
طيب اللي بعدوا:
كم مرة انحجزت في سجن المرور:D..(( شكله مجرب ))

أبو سعود

04-06-2003, 05:07

هههههههههههههههههه

الحمد الله ولا مره

انا ماشي تمام

الي بعدي

كم مرة مسكك الكهرب

تركي

04-06-2003, 05:55

كثير ......بس مرة وحدة مسكني(( مسكه من جد )) وعينك ماتشوف الا النور وصار اكبرة عقده لي:(
اللي بعدو:
كم مره جيت بعزيمه تصب القهوة وكبيتها على المعازيم ههههههههه

صقر

04-06-2003, 12:26

هلا اخوي تركي

انا ولا مرة كبيت القهوة
لكن بصراحة مرة كان عندنا مناسبة كبيرة شوي
وكنت ماسك كاس لبن وواقف فوق راس واحد من
الضيوف .... شوي ... دردب ... طاح الكاس في حضن
الرجال وهو يتغدى ... وبدون شعور اخذت كومة مناديل
وقعدت امسح اللبن المسكوب ... والناس كلهم يطالعون
وكلهم كوم ونظرات ابوي لي كوووووم .
خلوها على الله انواع الفضايح والفشايل

عموما اللي بعدي سؤالي كالتالي:
ما هو اخر كتاب قرأتة ؟
ومتى اخر مرة قرأت القرآن ؟

تحياتي

أبو سعود

04-06-2003, 15:25

اهلا اخوي صقر

اخر كتاب قراتة هو تفسيرالقران الكريم

اخر مرة قرات فيه القران قبل 3ايام

سوالي يالي بعدي
ماهو اصعب موقف حصلك

تحياتي

ابو سعود

متعب

10-06-2003, 01:30

اصعب موقف اممممممممممممم كيف اقوله لكم يا احبابي الكرام

هذا الموقف صار لي في محل تجاري انا ومعاي ابن عمي الي تقضى بعض الاغراض ولما وصلنا الكاشيير
ومد ايده علي مخباه وانا الي ارده واحلف عليه ومن هنا ومن هناك وبعد جهد وحلوف وافق احاسب عنه بس المشكله وين يا عمري
+
+
+
+
+
+
+
+
+
+
+
+
+
+
+
+
+
+
+
+
+
+
المحفظه مو معاي وش اسوي .......؟!!!!
عشرين علامه استفهام علي ام جبهتي احراج قدام ابن عمي واحراج قدام هالخلق واحراج من راعي الكشيير
لكن الحلو في الموضوع اني تداركت الوضع وقلت لابن عمي المحفظه في السياره راح اجيبها وارد
ومن الطبيعي انه راح يحاسب ولا ينتظر رجعتي وهذا الي صار بالفعل وما دريت الا واهو فاتح السياره وراكب
طبعا انا قلت في نفسي الحمدلله انها فهمها وماجاء دلخ وجلس ينتظر

سؤالي للبنات

كم عمرك الصحيح وكم وزنك ؟

اعرف ان البنات مايحبون يعلمون عن هالشغلتين لو وش ماسويت ؟

أبو سعود

15-06-2003, 15:56

ما اظن احد منهم بيعطيك جواب لانه سوال مايحبونه البنات

ماهو موقفك وانت رايح تجدد الجواز و قالولك ان عليك مخالفات مروريه

مبلغ وقدرة 4000 وانت مامعك اصلا سيارة ولا تسوق

تحياتي

ابوسعود

ادارة المنتدى

17-06-2003, 04:39

اكيد بردد يالليل ما اطولك

هههههههههههههاي الله يرجك ابو سعود

ما موقفك وانت رايح للعمل وأنت تبي تلحق على التوقيع ؟
وجتك نقطه تفتيش في الصبح

وقالك عطني الرخصه وانت ناسيها وقالوا يالله على التوقيف ؟
وتقبل تحياتي ،،،

أبو عبدالعزيز

@سافي@

18-06-2003, 15:38

شوفو انا يديد على المنتدى

بس باجاوب واسأل

ابو عبد العزيز

عادي هذا توقيف والدوام توقيف الفرق بس التكييف

السؤال

لو كانت مسافر واخذك التعب ونمت على الطريق بالسياره وفجاة يوم صحيتك واثاريك داخل المدينه والسياره يسوقها واحد كبرك مرتين ماينقرب وقالك ابي انزل عند البيت وانت كمل وش تسوي ؟

تحياتي

مغنج البنااااات

27-06-2003, 21:25

ولا مره بس احاول اني اتكهرب

عشان لو سالني احد مثلك اقول له مره واحد وبس

السوال للي بعدي

امممممممممممممممممممممم

لحظه خلني افكر

ايه

افتكرت

انت تحبني ولا لا

احبــــ( مغنج البناااات )ــــكم

أبو سعود

29-06-2003, 17:06

يا مغنج البنااااات

نعم احبك

سوال البعدي
هل انت ناجح ام راسب

تحباتي

ابو سعود

أبو متعب

08-07-2003, 15:45

هلا والله بابو سعود ..

سؤالي من زمان ماسمعته لأني ولله الحمد مفتك من الدراسة ....

لكن إاذا وضعته في غير الدراسة أقول إن شاء الله اني ناجح

وهو قناعة أكثر منه ثقة ...

اللي بعدي سؤالي ... بصراحة

كم طولك وكم وزنك .؟؟؟؟؟؟؟؟؟

همس الليل

11-07-2003, 12:47

ياربي على الاحراجات..
لاوطحت فيها انا..
لالالالالالالالا
لالالالالالالالا

يالله خلينا نقول..

<<<<بس ماادري انا بقول وانتم حزروا هو صدق
ولا تخريييييييييييفففف

وزني..67
وطولي..168

والله مجيب الدعاء..

الي بعدي بسأله وبقوله..
بصراحه وبكل صدق وامانه...
ليش تدخل النت..؟؟؟

انوااااااااااع الاحراجات..

هــديــل

11-07-2003, 22:21

مساء الورد

دخلت النت عشان استفيد واتونس لان النت ممتع :D

اللي بعدي

سعووووووول:D

وشنو يكون موقفك وانتا تاكل ومعاك احد وتغر يعني قال اععع؟:D

تحياتي

هدوله الاموره;a;1

متعب

12-07-2003, 20:16

عادي شالمشكله !!

اقوله وجع شق بطنك يا طووووووط هذى قصتها الرقابه !!!

لكن السؤال الي ابي اسأله اهو ؟

كم مره رحت السواق تغازل او كم مره غازلوك شباب اذا انتي بنت ؟

هاه البي الصدق ولا ابي احد يتميلح ويقول ولا مره لانه راح يكون كذاب!!!

همس الليل

15-07-2003, 07:08

طب انا ويش اسوي..
فعلا طبيت في واحد مايروح اسواق..
لكن عن غزل انت تغازل وانا اغازل وذاك يغازل
وتلك تتغازل هاذي تتغازل..
والشغل حيص بيص..
وخليها على ربك..
والله مجيب الدعاء..

المهم..
بسال الي بعدي..
متى تنام...؟؟؟؟؟؟

أمــيــ الحزن ــرة

15-07-2003, 09:17

سلام عليكم

الحمدالله مو سؤال محرج :D:D
والله انا كل يوم اسمع هالسؤال
متى اتنامين وليش ؟؟

انا انام حاليا كل يوم الساعة 7 الصبح لاني في اجازة:D
واقعد اسهر على المنتدى بسوالفكم الحلوه

المهم اللي بعدي

كم نسبتك في الثانويه العامه؟
قول الصراحه :mad:

تحياتي
أمــ الحزن ــيرة

دايــم الـشـوق

18-07-2003, 04:03

مره وحده بس قبل سنيتن يومني في العسكريه

هههههههههههههههههههههاي

سؤالي

كم مره تكفخت يعني انطقيت من بنت في السوق؟

أمــيــ الحزن ــرة

19-07-2003, 02:08

السلام عليكم

انا ضربت مرة واحد في القاهرة عطيته كف نسى اسمه بعدها :D

بس بعدها بغيت امووووت تجمعوا علي اصحابه لو لا السعوديين

الله يبارك فيهم وصارت معركه عجيبه .

كم وحده غازلت في هالاسبوع ؟؟

تحياتي
أمــ الحزن ــيرة

@سافي@

19-07-2003, 05:44

ولا مره لان الوجه مايساعد على المغازل بتلفون بدون وعد لقاء عشان ماتخرب العشره

سؤالي

كم في جيبك من مفتاح ( احلى ) سؤال

ملك الرومانسيه

20-07-2003, 23:29

مفتاحين

كم مررره حاولت انك تهرب من المدرسه

ههههههه

أمــيــ الحزن ــرة

21-07-2003, 17:04

سلام عليكم .....

يوووووه والله ورطه

انا بصراحه ولا مره حاولت اهرب من المدرسه
بس زوغت من كم حصه احبس نفسي بالحمام
علشان ما احضر الحصه
ههههههههههههههههههههههه

كم مرة فشلت في الحب ؟

تحياتي
أمــ الحزن ــيرة

دايــم الـشـوق

22-07-2003, 18:28

الكذب خيبه بس اذا تبون تعرفون كم مره حبيت

شوفو خواطري واشعاري الي انزلها وانتم تعرفون كم مره حبيت في الشهر

او اسنه

سؤالي ؟

منهو ثقيل الدم غيري انا في المنتدى ؟بصراحه انا عارف اني ثقيل دم
بس منو الاثني

@سافي@

23-07-2003, 00:13

دايم الشوق اذا انت ثقيل دم اجل احنا اش نصير

طبعاً تبي نسوي مسابقه بيني وبينك بثقل الدم

السؤال

هل فكرت يوماً تزور دكتور نفساني

اوركـيـديـا

26-07-2003, 12:29

ايش الحظ هذا ماجيت ارد الا على سؤال سافي:mad:

بس راح اجاوب صراحه فكرت اروح عند دكتور نفساني عشان اشوف حالة الادمان اللي صابتني للمنتدى:D

س_ كم مره تستحم في اليوم؟ ;a;4

هــديــل

26-07-2003, 14:14

اوركيديا:D

في كل ستة اشهر مره واحده :D

لالالالالالالالالالالالالالالالالالالال امززززح جربانه صرت:p

في اليوم مرتين اول ما اصحى من النوم وقبل ما انام:D ;a;1

سؤال شعرك فيه قشره والا مافيه؟؟؟؟؟:D

لزم الصراحه مو كذب:D

تحياتي

هدوله الاموره;a;1

هـــتـــونـــه

26-07-2003, 14:28

لا حمدالله مافية قشرة

سؤال

جربت الحب ولا لا؟

أبو متعب

26-07-2003, 16:26

هتونة

مساءالورد

السؤال ولله الحمد مو محرج

بجاوب يعني

مأعتقد أنه فيه أحد سواء بنت أو ولد ماجرب الحب الا حالات نادرة

وأنا أكيد من الناس اللي جربوا

وعلى قولتهم (( يقطع الحب شو بيذل ))

سؤالي للي بعدي

بنت إذا إعجبك ولد بالسوق كيف تلفتين نظرة

وإذا كان ولد إذا أعجبتك بنت بالسوق كيف تلفت نظرها

تحياتي

ابو متعب

الجليد المنهار

07-08-2003, 09:47

يعطيك العافيه على هاللعبه أختي

لاكن والله بصراحه إذا حصلت بنت تعجبني بالسوق مافيه أي تصرف أخذه من

شان ألفت نظرها اللهم يمكن الثقل لأن له شي كبير عند أشخاص ...

لاكن سؤالي للي بعدي الله يعينيه بس لازم يكون صريح وماله إلا اللي يرضيه

إنشاء الله

والسؤال هو ............................؟؟؟؟؟؟؟؟؟؟؟

عارف والله راح تنحرج بس الوضع فري عادي وهو ............

كم رقم الجوال الخاص بك !!!!!!!!!!!!؟؟؟؟؟؟؟؟؟؟؟؟؟؟

ملك الرومانسيه

08-08-2003, 22:08

احب يكون السوال للي بعدي

هههههههههههههههه

هههههه

يعني بلاشي احراج ماعندي جوال

السوال لماذا تتعطر

أحمد

09-08-2003, 15:16

مرحبااا عاشق الليل يا هلا والله بالشيف الماهر

اتعطر لأن العطر يساعد على الأسترخاء اولا وثانيا لأعطاء الجسم والملابس رائحه زكيه ثانيا (( مو تقول عني خااااايس )) هههههههه وبيني وبينك فيه كذا سبب بس احس لو ذكرتها إني ما لي داعي

سؤالي للي بعدي هو: من العضو او العضوه ((راااايقه)) عضوه المعجب فيه او فيها بالمنتدى
تحياتي أحمد

أبو سعود

10-08-2003, 19:13

هدوله الاموره
اذا كنت او كنتي في عزومه وفي اثناء الغداء تغر احد الشياب او من الحريم كبار السن وش بتسوي
تحياتي

سحاب

11-08-2003, 18:44

باقولهم عطوني عشاي وانتم أحترو شايبكم ,,,,,,,,,

سؤالي للي بعدي

من أكثر عضو قاهرك أو تكرهه

لهفة الشوق

12-08-2003, 13:26

الحمد الله محد قاهرني أو أكره أحد

شنو أكثر شي ما تحبة في نفسك أو شخصيتك ؟

أبو متعب

12-08-2003, 13:32

أكثر شيء ماأحبه في شخصيتي بصراحة

بصراحة

حلاوتي مسببه لي إزعاج من البنات ومضايقات

ودائما ً يحاولون يرقموني بس انا أصدهم ( صح شباب )
هههههههههههههههههههههههههههههههههههههههههه

اكثر شي ماحبة في نفسي أو شخصيتي .. مأدري بصراحة مأشوف شي ملفت

اللي بعدي

لو جتك رحلة سياحية وخيروك بأحد يرافقك من أعضاء المنتدى مين تختار

ملك الرومانسيه

12-08-2003, 20:27

اختااااار اغلى انسانه على قلبي

الا هي

:p

ههههههههههههههه

لو خيروك بين بتار بن زايد وبين عود الليل

انا عارف انه نهايتها طرد ههههههههههههههه :D

مين تفضل

همس الاحزان

15-08-2003, 21:23

يعني ناوي تطرد حد من المنتدى يا عاشق الليل ;):D
بقول بس لا تطردوني اوكي :D
بصراحه

مابفضل ولا واحد عن الثاني
الاثنين ...
:)

وسؤالي هو : هل تعيش قصه حب حقيقيه ؟؟;)

ملك الرومانسيه

16-08-2003, 06:42

ههههههههههههههه

شفتي كيف همس

اعيش احلى قصه

بس مؤلمه شوي

هل تنوي الزواج للمره الثانيه

ياويلك ياابو متعب لو رديت
هههههههههههههههه

همس الاحزان

16-08-2003, 19:36

مافكر بالزواج وبعدين

خلني اتزوج للمره الاولى اول ;):D

سؤالي ؟؟
( شو احلى اسم عندك من البنات والاولاد ؟؟ )
سؤال بسيط ومب محرج :)

اختكم
همس الاحزان

أبو متعب

17-08-2003, 14:26

هههههههه

عاشق تصدق خشيت ولما قريت تحذيرك قلت ياولد مالك ومال الشر

..هههههههههههههههههه

همس الأحزان أحلى اسم بالنسبة لي من البنات

هو اسم يارا

ومن الأولاد متعب

هذي الصراحة

بالنسبة للي بعدي .. كم مقاسك في اللبس
ههههههههههههه

أنا عارف مافيه ولابنت رايح تجاوب بصراحة

همس الاحزان

17-08-2003, 18:10

لا انا راح اجاوبك بصرااحه
قياسي هو large

سؤالي ؟؟
تعرف تطبخ ؟؟
:)

أبو متعب

17-08-2003, 19:27

ههههههههه

اي والله أعرف أطبخ

لأني عشت عزوبي فترة

ههههههههههه

ذكرتيني بأيام زمان

اللي بعدي

إذا كنت ولد لك صديقة تكلمها

وإذا كنتي بنت لك صديق تكلمينه

انواع الأحراج
ههههههههههههه

ملك الرومانسيه

17-08-2003, 20:23

اكيد في احد اكلمه ولا

ههههههههه

بس حلوووه منك ابو متعب

بس كنت اتمنى انك رديت

ههههههههه

للي بعدي

كم هو عمرك

عاشق نجد

17-08-2003, 22:11

ههههههههههههههههههه
هههههههههههههههه
من اولها اخوي:confused:
عاشق الليل
احراااااااااااااااااج:)
لكن
ابقول عمري
واللي بده يصير يصير:D

((27)) وبضعه اشهر:D

وشكرالعاشق الليل:)

السؤال00

للاخ او الاخت اللي بعدي

س_ماهو اصعب موقف صادفك00؟؟

تحياتي
عاشق نجد

ملك الرومانسيه

18-08-2003, 22:11

:pالعمر كله يارب

اخوي عاشق نجد

ماصار لي موقف صعب

:D

هل تحب الاكل الكثير

عاشق نجد

18-08-2003, 22:23

تحيه طيبه
وشكرااااا لك
احيي فيك صراحتك اخي العزيز
وموقفك موقف رجل قدير

اخوي
الله يعافيك
وين السؤااااااااااااااااااااال ؟؟
هههههههههههههههههههههههه

عاشق نجد

ملك الرومانسيه

18-08-2003, 22:33

السوال هو

هل تحب الاكل الكثير
واذ مو مناسب اغيره كم وجبه تاكل في اليوم

هههههههههههههههههههههههه

عاشق نجد

18-08-2003, 22:53

حياااااااااااك اخوي
مو كثير حبي للاكل
ولااحب تحديد وقت معين للاكل

السؤال
للي بعدي

س00متي احسست انك محظوظ00او منحوس ؟؟

اذا فيه احرااااااااااااج
اجاوب انا
هههههههههههههههههههههههه

تحياتي

همس الاحزان

26-08-2003, 00:24

ولا مره حسيت اني محظوظه
وكل وقت احس اني منحوووسه :(

** شو هي احلى لحظه مرت في حياتك وماقدرت تنساها ؟؟ **

اختكم
همس الاحزان

هــديــل

26-08-2003, 01:49

هموسه يا ويلي منج على سؤالك حرك شي بداخلي

بصراحه اجمل لحظات مع انسان عزيز علي بالمره كانت ايامنا حلوه انا وياه بس جذي الدنيا تفرق:(

اللي بعدي شنو اتعس لحظات مرت عليك ولاقدرت تنساها:D

تحياتي

هدوله الاموره;a;1

همس الاحزان

26-08-2003, 02:33

كل ايامي تعيسه وعمري ماراح انساها :(

شو هي امنياتك ؟؟ وهل حققتها ؟؟
:)
اختكم
همس الاحزان

عاشق نجد

26-08-2003, 04:04

تحيه طيبه

امنيتي الااااااااااااااااان

وفي هذه اللحظه000

ان الله يسعد ايام اختنا همس الاحزان ويحقق امانيها

اللي بعدي

00خمس ورود لمن تهديها ؟؟؟

عاشق نجد

همس الاحزان

26-08-2003, 05:49

5 ورود

اول وحده حق ابوي
2 امي
3 انسان عزيز على قلبي
4 اخوي بتار بن زايد
والاخيره حق اخوي عاشق نجد :)

** شو رايك في همس الاحزان ؟؟ ** :)

ملك الرومانسيه

26-08-2003, 06:41

لا لا لا مو معقول همووووسه كذا وانا مالي شي طيب

والورد نساكي السوال

ههههههههههههههههههههه

يالله مو مشكله اسال انا

لو عندك ثلاث نجفات وين تحطها

عاشق نجد

26-08-2003, 06:43

اختي العزيزه همس الاحزان

اولا اشكرك اختي العزيزه علي اهدائك الكريم

والله يخليك يارب ويوفقك انشاء الله

اما عن رايي في اختي العزيزه

انسانه طيبه ومرهفه الاحساس وعاطفيه بشكل كبير

اتمني لها التوفيق وان تصبح همسا للافراح

وتحياتي لك

اللي بعدي

00امنيه تود تحقيقها بسرعه ؟؟

عاشق نجد

ملك الرومانسيه

26-08-2003, 07:00

انك تجاوب قبل ماتسئل

هههههههه

عاشق نجد

26-08-2003, 08:03

اني اشوووووووفك

اخوي عاشق

ابوطارق

26-08-2003, 13:56

متي يجي دوري يا جماعة الربع ;a;4

همس الاحزان

28-08-2003, 02:49

اخوي بو طارق وين السؤال ؟؟

خلاص انا بسال اوكي :)

** شو هي اصعب لحظه مرت عليك ؟؟ **

دلوعه رعد

28-08-2003, 06:23

اصعب لحظه هي وفاه جدتي اعز الناس سؤالي هو مااسم اول حب في حياتك وكان كام عمرك

ابوطارق

31-08-2003, 13:30

جوابي لهمس الاحزان

اصعب موقف00 فترت الامتحانات وانا في سادس ابتدائي وكنا نعيش في قريه يومها السياره اللي توصلنا للمدرسه GMC ونيت والسواق تتوقعون ميييين؟ السواق مدير المدرسه المهم اني تاخرت شوي ومشو وخلوني رجعت للبيت اصيح
قال الوالد (الله يرحمه) وش فيك قلت له راحو عني ذاك الوقت السيارات قليله في قريتنا المهم الوالد (الله يرحمه) لقط الحماره (اعزكم الله) وانطلقنا للمدرسه اللي تبعد عنا مسافه بعيده شوي0 يوم وصلنا الا الطلبه منتهين من الامتحان الوالد ترجاهم واختبرت تدرون وين في غرفة المدير المشكله الغرفه مليانه مدرسين وخذ يا تعليق منهم انت يا خيشة النوم ليش تأخرت ومدرس المادة يقول لا تتعب نفسك راسب راسب وكل مدرس يذب علي تعليقه (ياشين الدراسه زمان) لكن ابشركم كدت العواذل ونجحت بحمد الله رغم الحرب النفسيه (حقيقه والكلام هذا من حوالي 21 سنه

ابوطارق

31-08-2003, 13:36

آسف نسيت اسأل سؤال

هل حصل ان دخل ابوك المجلس ولقاك تلعب بلوت انت وربعك وطردك انت وياهم وهزءك قدامهم ؟

همس الاحزان

31-08-2003, 18:46

لا الحمدالله ماصارت وياي
وسؤالي
** يوم اتحس انك تبغي اتفضفض منو الشخص اللي تلجا له دوم ؟؟

اختكم
همس الاحزان ..

الكونـكورد

16-09-2003, 00:01

الوالدة الله يعطيها الصحة والعافية .

سؤالي :

ما هو اسمك المشهور به عند الناس ( لقب يعني ) ؟ بس بصراحة

بندر

16-09-2003, 00:20

ابوفيصل

بصراحه بصراحه وبدون كذب انت حلو والا شيفه؟؟؟؟؟؟

لأنه في بعض الأعضاء على طووول يجاوب... احلى من القمر

وبالنهايه يطلع التمساح احلى منه........

همس الاحزان

17-09-2003, 19:45

سؤااااااااال محرج :rolleyes:
انا بصراااحه
مادري
اكييييد حلوه ;)

شو لون عيونك ؟؟

°¨¤ وصايـف ¤¨°

18-09-2003, 19:18

اممممممممممممم

لون عيوني خضـــــــــــر تميل الى لوووووووون الكرااااااااااااااث

السؤال هو .. متى اخر مره تسبحت هههههههههههههههههههههه

تحيااااتي

عاشق نجد

18-09-2003, 19:26

ههههههههههههههههههههههههههههههههه
هههههههههههههههههههههههه
تحيه
ومســــاء الخير

الاخت العزيزه

°¨¤ وصايـف ¤¨°

اولا اعجبتني جدا ((اللون الكراثي))

ههههههههههههههههههههههه

واخر مره تروشت0000000000

صراحه

بعد ماقمت من النوم ((متعووووود))

اللي بعدي

تحيه اولا

_3 ورود لمن تهديها ؟

سلااااام

شوق الزمان

19-09-2003, 15:09

الاولى لامي
والثانية لأبي
والثالثة لانسان عزيز على قلبي عايشة في الرياض
يارب تمر الايام واشوفها على خيييير با بعد عمري

وسؤالي هو
كم مررة هربت من الحصص؟؟؟؟