المساعد الشخصي الرقمي

مشاهدة النسخة كاملة : مــــــــــــــر ثـــــــــــــيـــــــــــــة

دلوع<<<<الخبر
28-09-2003, 21:22
[SIZE=5]

مـــــــــرثـــــــــيــــــــة






أبكي على سامي ياما تنشف العين
مـالـوم عيني لــو دمـوعي تهلــي

ابـكيك ياسامـي ورا الحـول حولـين
حيثك نظر عيني وشوفــك يسلــي

ياما رفعتـك فــوق بيـن الـذراعـيـن
وارص جوفك على جوفي واهــلي

واليـوم وينك يـاحـبيبي وانـا ويــن
حان الفراق وحان طي الـسـجـلــي

ما انساك لو جونـي كـثير المعزيــن
فراقك قطع معلوق جوفي وتـلــى

سهم سطى بي نافـذا بـين ضلعيــن
قـطــع شرايـيـني ودمـي يشلــــي

سهم صـرم قـلبي على قـرة العيــن
وقـفـت مــذهــول اراوح مـحــلـــي

وامـــــك غـدت مثل خلوج البعـاريـن
تــقــول اذكــر مــا جـرا له وقلـــي

وامــــك من الفرقا طوى قلبها البين
راح الفرح عنها وبها الحـزن حــلي

وامــــك غـدت مثل عنيد المـجـانـيـن
وخواتك من هول الحدث يشتكن لي

والكل يسأل وين سامي ذهـب ويـن
عــن الـمـدلــل رافــضــين الـتـخـلي

قلت اه واويـــلاه من حــر اللي فيـن
يـــوم الـــحـقيقـه بـينت بالتجـلــي

بـفـراقـك المـاكـود مـاهـو تخـامـين
سكن معي همي وحزنـي وغـلـي



اسفين على الاازعاج يا جماعة الخير طولنا عليكم]
عاشق نجد
28-09-2003, 21:37
الغــــــــــــــالي
دلوع<<<<الخبر
قصيده مؤثره جدا
والله يبعد عنا وعنك الحزن
ودمت علي خير حال

تحياتي لك
الوحــــــــيده
28-09-2003, 21:53
تسلم اخوي على هالكلمات الروعه""
دلوع<<<<الخبر
29-09-2003, 02:16
يعطيكم الف عافيه اخواني

عاشق نجد

والوحيده

شكرا على المرور
تحياتي لكم
أمــيــ الحزن ــرة
29-09-2003, 09:39
دلووع الخبر

الله يبعد عنك الحزن وتكون حياتك كلها سعاده
والله يعطيك العافيه وتسلم يمناك يا الغالي

تحياتي
أميـ الحزن ـرة
دلوع<<<<الخبر
29-09-2003, 20:11
يسلم قلبك
ويسلم عمرك
ويسلم روحك
ويسلم حياتك
ويسلم غاليك
ويسلم غالي غاليك

الله يعطيك العافيه على المرور

مع تحياتي
دايــم الـشـوق
01-10-2003, 09:32
دلوع الخبر

صح لسانك اخوي دلوع الخبر ولاهنت

على المرثيه الجميله منك
دلوع<<<<الخبر
02-10-2003, 00:48
صح بدنك اخوي
دايم الشوق
ويعطيك ال عافيه على المرور
شكر ا لك

مع تحياتي