بقول اللي شفتة ولا علي من أحد

[سحـــر]

أهلين شباب وصبايا

كيفكم وشخباركم

000000> جايتكم بموضوع خطير



نخش في المفيد

بنشوف الحين مشهدين من حياتنا, ونبي نقارن بينهم

<----- اصلا ماذبحك الا هالمقارنات

احم احم, خلونا الحين نرفع الستار ونشوف

<------- مهيب عاقله شكسبير زمانها

خلاص عاد بلا تعليقات مالها داعي؟


؛؛؛؛؛؛؛؛؛؛؛؛؛؛؛؛؛؛؛؛؛؛؛


(( الموقع / سوق جدة مول ؛؛ الزمان/ 9 مساء( اتقطع على الدقه انا) ))

الحوار دار بين عائلة مصرية

فهمي : بُصي يا ناديه في الفستان ده.. حياكل منك حته.. ايه رايك فيه؟

ناديه: مُش بطال... بس اللون ده مش عاجبني.. لو حلبسه حيخليني زي البادنجانه

انا : (<------ :Dقطت اذنها معهم)

فهمي: ولا يهمك يا أمر(قمر يعني).. حسألك عن الالوان.. يمكن نلائي لون

يعجبك.

ناديه: طاااااايب

( وبينما ناديه وفهمي يتشاورون في هاك الخلق, ومعهم ابنيهم فتحي 5

سنوات ,, وعماد سته اشهر في العربيه((<--- مشبرتهم بعد)), انطلقت صافره

الانذار معلنه صياح عماد)

ناديه قطت الخلق من يدها بصوره مخيفه) اللــــه.. ده عماد بيعيط!! :(

فهمي::D (بوجه بشوش ) مُوش مشكله يا حبيبتي.. كملي انتي وانا حاخذه برا

المحل امشيه شويه عشان يسكُت.

( والله يانا علقت على هالضمات<---- كنها ماشافت شيء )

ناديه :

( انشغل مصطفى خارج المحل مع اولاده.. تاره يعطي عماد مصاصته..وتاره

يمسح خشه فتحي من عقب الآيسكريم الي كله..والبسمه تعتلي محياه .. وبينما

هو كذلك خرجت زوجته من المحل بعد ان نقت الفستان الذي تبيه وحاسبت عليه..

ولما خلصوا لف ودوران وتعشوا..ساروا جنباً الى جنب متجهين الى بوابه

الخروج.. مجرجرا فهمي عربيه ابنه عماد.. معلقهً عليها المقاضي

(تسمع بأمانه

التوصيف)..بكل سعاده وانبساط

<------- :Dعسى ماركبتي معهم السياره بعد؟

---------------------------------------------------------------------

(( في نفس الموقع والزمان ولكن مع عائله سعوديه))

<------ :Dموصيه اختها تلاحقهم

صالح:لا والله شكلتس منتب جايه تشترين انتي!!.. الظاهر جايه تتمشين ذا رابع

محل ندخله يالعله ولا بعد شريتي

ساره: ( وجه خانقته العبره) شوي بس تكفى والي يرحم والديك.. والله مالقيت

شي زين.. يعني تبيني اخم اي شي والسلام؟ هذاك الزهري الي شفناه تو زين

بس مهنا مقاسات, وهذيك التنوره واسعه حيل علي.. تكفى شوي بس لازم

اشتري اليوم العزيمه بكره وماعندي شي البسه

صالح: اقووول عاد.. المحل الجاي آخر محل لتس.. اشتري ولا ترى طلعنا وان

شاء الله عمرتس ماشريتي ومارحتي! :(

ساره :

( وبينما ساره منهمكه في المحل بحثا عن شي مناسب مدفدفه العربيه امامها ,

انفجرت ابنتها الصغيره بكاءً من الجوع.. وكاد برج من نافوخها يطير ايضا بسبب

الحاح ابنها فهد (7 سنوات) بأن يشتري بالونه بعد ان اعطاه والده ركبه..

مجرجراً بذلك عباءه امه.. ساره ماكان بينها وبين الجنون إلا شعره.. ماعرفت

وش تسوي ووش تبدي بينما زوجها قابعا خارج المحل يقلب في الجوال:mad: )

ساره: ( طلعت من المحل متجهه الى صويلح(<-- حقدت عليه من جد انا ) صالح..

تكفى امسك العربيه شوي خلني اعرف اتقضى, وترى فهد اذاني يبي بالونه..

اشتر له وفكنا من حنته

صالح : ( وعلى وجه انواع علامات التذمر والعصبيه ) اقووول.. اها بس مشيناااا..

الله ياخذتس انتي وبزارينتس

ساره : <------ خافت من الفشايل :mad:


(( طلعوا ساره وصالح من السوق بخفي حنين.. الرجال وصل السياره وزوجته

توها في السوق مابعد وصلت.. بيد تدف عربيه بنتها واليد الثانيه ماسكه بها

ولدها..ودمعتها على خدها

00<<<..لدرجه ان كل من شافهم قام يركض يحسب انهم في سباق الماراثون ))


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


كل هالمشهدين بصراحه من وحي خيالي , لكن ذا مايمنع انهم

موجودين ونشوفهم دايمن في الاسواق والاماكن العامه والمنتزهات, يعني

مهوب بس في سوق.

بصراحه,, انا لا شفت طريقه تعامل الاجانب (العرب وغير العرب حتى) مع

زوجاتهم تخنقني العبره, مدري ليه مانشوف السعوديين يسوون سواتهم مع

اطفالهم وعائلاتهم, لاشفت سعودي مع زوجته واولاده يتمشون تحس كنه

مغصوب على الطلعه ومايرتاح الا رجعهم البيت وطلع عاد هو مع ربعه

للاستراحه, مايدري ان زوجته واولاده لهم حق عليه بالاهتمام والطلعات لو مره او مرتين بالاسبوع حتى,بدون منه ولا تكشيره..

اما الاجانب تلقى الاب في معظم الاحيان هو الي يقترح على زوجته واولاده انهم

يطلعون ويرفهون عن انفسهم, ولا تجوز له الطلعه والوناسه الا وهو بين زوجته

وعياله لو في سوق,حتى يشارك زوجته مع اختيارها لملابسها ويشور

عليها ..ويساعدها في حمل الاطفال والاهتمام بهم


وتبون تصدقوني اكثر.. شوفوا كم عدد الحريم الاجانب الي طالعين مع ازواجهم

واطفالهم لـ( السوق مثلا ) , وقارنوهم بالحريم السعوديات..

طبعا كلامي هذا مهوب عام.. لان اكيد فيه ازواج من نمونه الاجانب, بس الصراحه

معظم السعوديين كذا المتزوجين وغير المتزوجين بعد, تحسون ان بينهم وبين

الطلعات مع الاهل عــــداوه ياكافي


وش رايكم بالله......؟

متفقين معي ولا لا........؟

ووش الحل بنظركم..........؟

[عاشق نجد]

ههههههههههههههههههه
هههههههههههههه
ههههههههه


اطلااااااااااااااا له

رااااااااااااا ئعه


لكاتبه قادمه وبقوه

خياااااااااال خصب

و

تسلسل

و

تشويق عجيب
وموضوع اكثر من رااااااائع

ومطابق للواااااااقع

اما

الحل

فانا انتظر معك الحل

فقد لامست اختي العزيزه الجرح


شكرااااااااااااااا لك

ومزيدا من التالق




اخيك

عاشق نجد

[الروبي]

كلام رائع.................. ههههههههههههههههههه........





صراحه أسلوب سلس وجميل................




الى الأماااااااااام ..........




الروووووووووووووووووبي><><><><?><><><?><>

[اوركـيـديـا]

هلا والله فيكي اخت سحر
وانا ياعزيزتي اتفق معاكي في اللي قولتيه وخاصة اننا نشوف بااعيننا هذا الشيء.

بس تبغي الصراحة موكل الرجال كذا بس الاغلبية منهم زي ماتفضلتي وقلتيه ههههههههههههههههههههههههههههههههههههههه

واعتقد الحل ان الرجل والمرأه يفهمون بعض اكثر ويتجنبوا مايطايق بعضهم البعض واختيار الوقت المناسب للخرجات هههههههه

[@سافي@]

سحر
ليه ماقلتي من الاول انه من خيالك ( وانا فاتح خشتي اقرا وكأنه الحلقة الاخيرة )

اولاً - ليس كل الاجانب بهذه الحنية والرقة
وليس كل السعوديين بها الجلافه والشين

الشيء الاخر والمهم

ان ( ابو مدحت ) و ( ام مدحت ) ماعندهم شلل ولا استراحات ان طلع من السوق وين يبي يروح يبي يجلس يقابل ( ام حمادة ) بالشئه ( الشقة ) يعني السوق اونس وابرد

كذلك ان ابو حمادة ( قلب حمادة بدل مدحت ) عنده استعداد للخروج مرة ومرتين وثلاث لشراء فستان واحد حتى يجد الاجود الارخص ؟

اما السعودي ( ابو ناصر ) اذا خرج مع ( ام صالح ) تلاقي في راسه مية شغلة وشغلة وزوجته في راسها مية مشوار ومشوار ؟

تحياتي

[متعب]

هلا بُخيتي سحر

هلا بالخيال كله تقولين وش رايي رايي انه يبيلك طق بعصا جالس فاتح هاللفم
كني درج اتابع الاحداث المثيره تقولين فلم لرامبوا ثم تقولين حماده وعصمت
ومدري من الباقي والله تدودهت وانا مؤيد لابوصالح كل التأييد لسبب بسيط
انكم يا النسوان ما تنعطون وجه

تقولين اجانب يقولون لاهلهم خلوني نطلع ونتمشى بلاهم ما يشوفون الشارع
الا في التلفزيزن محكورين الاسبوع كامل الاب دوامين والام والعيال بالبيت لا
جارات ولا مسايير ولا هم يحزنون اما احنا الله يلمتس اليوم فطور عند فلانه
وجلسه بعد العصر عند فلانه ويجي الزوج والبيت يصفرمافيه الا الشغله تعلمه
زوجته وينهي فيه واعياله وين مهيتين وداجين يجي الرجال يحط راسه وينام
والمغرب علي الاستراحه وللمعلوميه الي الان الزوجه ما بعد جت لان جارته ام رنا
والده وتبي تقوم بالواجب معاها ..... الي اخره وتبين بعد هذا كل يوم يروح بها
للسوق يا سحر انت بنت وتعرفين ان السعوديات لابد لهم علي القليله 3 دخلات
للسوق علي شان يشتروا شغله وحده
الاولي استطلاع البضائع والاسعار
الثانيه الشراء وقد لا يحصل
الثالثه ترجيع الي شروه لان فلانه شاريه مثله او المقاس ما هو مناسب علي
العموم انا اشكرك علي هالمشاركه الحلوووه مره وانشالله يكون ردي خفيف وافي

متعب

[ابوطارق]

انا صراحه مع اخوي سافي0

بعدين ابو مدحت وعائلته يلبدون بشقتهم طول الاسبوع وما يطلعون الا يوم الجمعه واي مكان يروحونه يستانسون حتى لو انهم جالسين على رصيف وعشاهم سندوتش فول ومويه0

لكن السعوديين يبي لنا مكان زين والبزارين يبون العاب ونبي نشوي ونفل الحجاج 00يخليك ربي